Memleket basshysy Qasym-Jomart Toqaev ustazdardy merekesimen quttyqtady, dep habarlaıdy almaty-akshamy.kz
«Barshańyzdy Respýblıkalyq pedagogter seziniń ashylýymen quttyqtaımyn. Ustazdar kúni qutty bolsyn! Búgin, shyn máninde, óte mańyzdy jıyn. Sebebi ustaz – eń aldymen, qadirli maman. Al, ustaz bolý – qasterli mindet.
Búginde elimizdiń bolashaǵy jarqyn bolyp, damyǵan memleketke aınalýy úshin muǵalimder qaýymy aıanbaı eńbek etip júr. Jalpy, kim-kimniń de jaqsy adam, myqty maman bolýy ustazyna baılanysty.
Ahmet Baıtursynuly «Biz eldi túzeýdi bala oqytý isin túzeýden bastaýymyz kerek» degen. Ult ustazynyń bul sózi qashanda oryndy. Bilim men ǵylym – tabysqa jetýdiń eń basty kilti. Óskeleń urpaqqa taǵylymdy tárbıe jáne ozyq bilim berý – óte mańyzdy mindet», - dedi Qasym-Jomart Toqaevtyń Respýblıkalyq pedagogter sezinde.