Aqynnyń ómiri men shyǵarmashylyǵyna qatysty qoljazbalar tabyldy
Qaraǵandy oblystyq arhıvi qalamgerdiń fotosýretterin jáne bylaıǵy jurt bile bermeıtin derekterdi jıystyryp jatyr. 90-ǵa jýyq sýret pen qoljazbalar tabylǵan. Onyń kóbin aqynnyń qyzy Darıǵa Qasymqyzy jınaqtap, ótkizgen eken. Eń kónesi 1934 jyly «Bizdiń eńbek» gazetinde jaryq kórgen «Esimde» degen maqalasy. Bul jádigerlerdi arhıv ujymy kóshpeli kórme ótkizip, jurt nazaryna usynbaq, dep habarlaıdy Almaty-akshamy.kz 24.kz-ke silteme jasap.
Olardyń arasynda osydan 10 jyl buryn tabylǵan aqynnyń Jaıyq Bekturovqa, Stalınge jazǵan hattary bar. Qyzy Darıǵaǵa jazǵan hattary da túpnusqada saqtalǵan.
«QR kıno-fotoarhıvi bar, sol jaqtan jınaqtadyq, 20-30 shaqty sýretin aldyq. Sosyn qyzynyń úıinen aldyq. Endi bul kisiniń osy qujattaryn tarhshylar, aqyn-jazýshylar men ólketanýshylar áli de zerttep, óz oı-pikirin jazyp, bir úlken ǵylymı jumystar áli de álemge shyǵady dep senemiz», - dedi Qaraǵandy oblysy memlekettik arhıviniń dırektory Janagúl Tursynova.