Baıqaýdyń maqsattary
Qazaqstan Respýblıkasynda turǵyzylyp jatqan eskertkishter men monýmentter jónindegi memlekettik komısıaǵa usynys engizý úshin kórkem-sáýlet jáne músindik kompozısıa jasaý jolymen Qazaqstan tarıhyndaǵy mańyzdy oqıǵa – 1986 jylǵy Jeltoqsan oqıǵasyna arnalǵan eskertkishtiń eń úzdik tujyrymdamalyq músindik-kórkemdik sheshimi aıqyndalsyn.
- Konkýrstyń baǵdarlamasy
Jeltoqsan oqıǵasynyń 35 jyldyǵyna arnalǵan "Jeltoqsan" eskertkishi 1986 jyly bolǵan, Qazaqstan tarıhynda túbegeıli betburys, jańa, táýelsiz memlekettiń qalyptasýynyń basy bolǵan oqıǵalardyń barlyq mańyzdylyǵy men dramatızmin beıneleýi tıis. Oqıǵalardy beıneleıtin obrazdar Qazaqstan Respýblıkasynyń táýelsizdigi úshin kúresken onyń qatysýshylarynyń jastyǵyn, oqıǵanyń tarıhılyǵyn kórsetýi kerek.
Eskertkish qoıylatyn orynnyń arhıtektýralyq jáne landshafttyq ereksheligimen úılesýi kerek.
Jobada berik materıaldar (mármár, granıt, qola jáne t.b.) paıdalanylýy tıis.
Ornatylatyn orny – Almaty qalasy, Túrksib aýdany, «Jas Qanat» shaǵyn aýdany, «Jeltoqsan» saıabaǵy.
Konkýrstyń sharttary
Konkýrsqa barlyq nıet bildirýshiler, sondaı-aq avtorlyq ujymdar qatysa alady. Konkýrstyń ótkizilýi: 2021 jylǵy 2 qazan men 21 qazan aralyǵy. Jobalar 2021 jyldyń 21 qazannan keshiktirilmeı myna mekenjaıǵa: 050000, Almaty qalasy, Respýblıka alańy, 4, Almaty qalasy mádenıet basqarmasy, № 444 kabınetke tapsyrylady.
Basqa qalalardaǵy avtorlar jobalardy belgilengen merzimnen keshiktirmeı poshtalyq túbirtek nómirin aldyn ala habarlaı otyryp Almaty qalasy Mádenıet basqarmasynyń mekenjaıyna jiberedi.
Konkýrsqa jobalary alty tańbaly sanmen belgilengen uranmen usynylady. Uran konkýrsqa usynylǵan joba materıalynyń, sondaı-aq konverttiń joǵarǵy oń jaq buryshynda jazylady (bıiktigi 1 sm). Jelimdelgen urandyq konvertte avtorynyń aty-jóni men mekenjaıy kórsetilgen aqparattyq paraq salynady.
Qysqasha túsinikteme jazba eskertkishtiń kórkemdik sheshimi men keńistikti uıymdastyrý qaǵıdalary jáne negizgi ıdeıasy mazmundalǵan №14 ólshemdi «Timeѕ New Roman» qarpimen birinshi jol aralyǵymen basylǵan 2 paraqtan aspaıtyn mátinnen turatyn 2 danada usynylady.
Konkýrs qorytyndysy boıynsha Almaty qalasynyń Tarıh jáne mádenıet eskertkishterin qorǵaý jónindegi komısıasy sheshim qabyldaıdy.
Konkýrs sharttary saqtalmaı usynylǵan jobalar konkýrsqa jiberilmeıdi jáne komısıada qaralmaıdy.
Konkýrstyń joba usynystarynyń quramy jáne usynylatyn materıaldardy resimdeýge qoıylatyn talaptar:
- Eskertkish (músindik týyndy) eskızi masshtaby 1:10
- Bas jospar (sqemalyq jospar) masshtaby 1:200
- Eskertkish (músindik týyndy) 2 fasady,
1 perspektıvasy masshtaby 1:20
Túsinikteme jazba
Jobalar 60h80 sm kólemdegi planshette beriledi. Grafıkalyq oryndaý ádisteri makettiń túsi, tehnıkasy jáne materıaly avtorlardyń qalaýy boıynsha oryndalady.
Qosymsha aqparattar pen anyqtamalardy 8 (727) 272-11-09 telefony arqyly alýǵa bolady.