2025 jyly aıaqtaý josparlanyp otyr.
Qazaqstan Úkimeti Qashaǵan ken ornynda qýaty 1 mlrd tekshe metr ilespe gazdy óńdeý boıynsha jobany iske asyrý bastalǵanyn jetkizdi, dep habarlaıdy Almaty-akshamy.kz.
Memleket basshysy óziniń saılaýaldy baǵdarlamasynda 2029 jylǵa qaraı taýarlyq gaz óndirisiniń kólemin 30 mlrd tekshe metrge deıin jetkizý mindetin qoıdy. Qashaǵan ken ornynda qýaty 1 mlrd tekshe metr ilespe gazdy óńdeý boıynsha jobany iske asyrý bastaldy, ony 2025 jyly aıaqtaý josparlanyp otyr. Bul týraly Energetıka mınıstri Bolat Aqsholaqov OKQ-da ótken brıfıńte habarlady.
«Osy ken ornynyń áleýetin eskere otyryp, qaıta óńdeý kólemi 2 mlrd tekshe metr gaz óńdeý zaýytyn salý kelisilýde, ony 2029 jylǵa deıin aıaqtaý josparlanyp otyr. Budan basqa, 2023 jyly «Jaıyqmunaı» munaı óńdeý zaýytynda Qarashyǵanaq gazyn óńdeý boıynsha sheshim qabyldanady, bul gazdy óńdeýdi 2025 jyly 4 mlrd tekshe metrge deıin ulǵaıtýǵa múmkindik beredi. Mańǵystaý oblysynda taýarlyq gaz óndirý qýaty 700 mln tekshe metrden astam Qazaqstan gaz óńdeý zaýyty iske asyrylatyn bolady. Búgingi tańda joba qurylysy boıynsha qyzmet kórsetýshini anyqtaý úshin tenderlik rásimder júrgizilýde. Joba 2025 jyly aıaqtalady dep kútilýde», - dedi mınıstr.