Keıde adamdarǵa qaryzǵa batqanyn moıyndaý qıyn. Olar "artyq shyǵyndaldym, shamamnan asyrdym, aqymaqtyq jasadym" dep aıtýǵa uıalady. Tipti keıbireýler bankrot bolýǵa shaq tursa da, týystaryna kómektese beredi. Óıtkeni shyndyqty aıtýǵa qorqady. Mundaıda ne isteý kerek? Psıholog keńes berdi, - dep habarlaıdy Aqshamnews.kz tilshisi "Doktor Pıterge" silteme jasap.
Psıholog Mıhaıl Labkovskıı ne deıdi?
"Ózińizdi jeı bermeńiz", – deıdi ol.
Onyń aıtýynsha, qaryzǵa "uıat" pen "kiná" sezimin arqalasańyz, ózińizdi tipti tunshyqtyrasyz. Ásirese jaqyndaryńyzdan jasyryp, ótirik aıtsańyz, túpki másele sheshilmeıdi. Al eger moıyndasańyz, jeńildep qana qoımaı, kómek te tabýyńyz múmkin: tyńdap beredi, janashyrlyq bildiredi, qosymsha jumys usynady nemese qarajatpen kómektesedi.
Eń bastysy – qaryz týraly oıdyń ózinen qyzaryp, qysylýdy doǵaryńyz. Eger jaǵdaıyńyz kótermese, ózgelerge kómektesýden bas tartýǵa qoryqpańyz.
Qaryzdan shyǵýdyń qadamdary
- Naqty jospar quryńyz: qashan, qandaı áreketter arqyly nátıjege jetesiz.
- Ótkenge ókinýdiń qajeti joq. Qaryzǵa kirdińiz, bul da ómirlik sabaq.
Endi tek jaǵdaıdy túzetýge kúsh salyńyz.
Qarjylaı saýatty bolýǵa keńester:
Psıholog ári qarjy koýchy Natalá Kolbasınanyń aıtýynsha, qaryzǵa batqyńyz kelmese, tabysyńyzǵa saı ómir súrińiz. Árkimniń qajettilikteri ártúrli, biraq "qalaý" tabystan asyp ketpeýi kerek.
- "Qajet" pen "qalaýdy" teń ustańyz: aqshańyz kúndelikti qajettilikke de, ózińizdi qýantýǵa da jetsin.
- Jınaqtaýdy úırený úshin tabysyńyzdyń kemi 10%-yn turaqty túrde bólip qoıyńyz. "Qalǵanyn jınaımyn" degen tásil eshqashan kómektespeıdi.
- Bir ǵana tabys kózine táýeldi bolmańyz. Jańa daǵdylar úırenip, qosymsha tabys tabý múmkindigin qarastyryńyz. Tipti úıdegi qajetsiz zattardy satyp, qosymsha aqsha tabýǵa bolady.