Alaıda apelásıa alqasy sanksıany ózgerissiz qaldyrdy
Qaraǵandyda 30 metr bıiktikten sekirip, mert bolǵan 33 jastaǵy áıeldiń ólimine kináli dep aıyptalyp otyrǵan atraksıon nusqaýshysy appelásıaǵa ótinish berdi. Ol tergeý aıaqtalǵanǵa deıin bultartpaý sharasyn úı qamaǵyna aýystyrýdy ótindi. Alaıda apelásıa alqasy sanksıany ózgerissiz qaldyrdy, dep habarlaıdy Almaty-akshamy.kz QazAqparat agenttigine silteme jasap.
Qaraǵandyda áıel ólimine ákep soqqan roýd-djampıng atraksıonynyń 32 jastaǵy nusqaýshysyna tergeý kezinde «qamaýda ustaý» sanksıasy bekitilgen bolatyn.
Aıyptalýshy sot alqasynan atalmysh sheshimdi qaıta qarap, úı qamaǵyna nemese eshqaıda ketpeý týraly qolhat alý retinde jeńildetýdi surady.
Alaıda apelásıa alqasy sanksıany ózgerissiz qaldyrdy.
«Qaraǵandy tergeý sotynyń «qamaýda ustaý» bultartpaý sharasyn tańdaý týraly qaýlysy ózgerissiz qaldy. Apelásıalyq shaǵym qanaǵattandyrylmaıdy», – dep málimdedi oblystyq sot.
Ustalǵan azamat tergeý aıaqtalǵanǵa deıin tergeý ızolátorynda bolady. İs Qylmystyq kodekstiń 306-baby «Adam ólimine ákep soqqan, qaýipsizdik talaptaryna saı kelmeıtin qyzmetter kórsetý» boıynsha tergeledi.
Sot-medısınalyq saraptama, sot-narkologıalyq, sot-psıhıatrıalyq saraptama taǵaıyndaldy.
Esterińizge sala keteıik, 10 qazanda 33 jastaǵy áıel «Sozvezdıe» qonaq úıiniń tóbesinen sekirip, jerdegi beton qurylysqa soǵylǵan bolatyn. Áıel alǵan jaraqattarynan kóz jumdy. Bir kúnnen keıin tergeýshi nusqaýshyny qamaýǵa aldy, sebebi qonaq úıdiń syrtqy beınekamerasynyń kadrlarynda atraksıonnyń belbeýi durys bekitilmegeni baıqaldy.
13 qazanda sot kúdiktige «qamaýda ustaý» sanksıasyn qoldaný týraly sheshim qabyldady.