Prokýratýra qonaq úıde tergeýdi bastady
Qyzyl teńizdegi Hýrgada kýrorttyq qalasynyń tórt juldyzdy qonaq úıinde ýlanǵan reseılikterdiń sany 40 adamǵa jetti. Prokýratýranyń ókimimen qonaqúı sanıtarlyq qaýipsizdik normalaryn buzǵany úshin belgisiz merzimge jabyldy, barlyq týrıs basqa qonaq úılerge ornalastyryldy, dep habarlaıdy Almaty-akshamy.kz QazAqparat agenttigine silteme jasap.
TASS agenttiginiń málimetinshe, jeksenbi kúni Mysyrdyń Týrısik palatalar federasıasy týrıserdiń ýlanyp qalǵanyn málim etken.
«Aýrýhanaǵa 40 adam júgindi, qazirgi ýaqytta tórteýi aýrýhanadan shyqty, 36 adam em qabyldaýda», - dedi federasıa ókili.
Ol barlyq naýqastyń jaǵdaıy birqalypty, turaqty ekenin, ómirine esh qaýip joq ekenin atap ótti. Dárigerler olardy dúısenbi kúni shyǵarady.
Reseı Federasıasynyń Hýrgadadaǵy bas konsýly Vıktor Voropaev jeksenbide TASS-qa jergilikti sanıtarlyq bılik ókilderi Hýrgadada ornalasqan AMC Royal hotel qonaqúıin 48 saǵatqa jabý týraly sheshim qabyldaǵanyn aıtty.
Aıta keteıik, atalǵan qonaqúıdiń qonaqtary ýlanyp aýrýhanaǵa túsken.
«Týrıserdi basqa qonaq úılerge ornalastyrady. Bas konsýldyq jaǵdaıdy qadaǵalap otyr», - dedi ol. Dıplomattar qonaqúıde tek reseılikter ǵana ýlanǵan ba, joq pa, sony anyqtaıdy.
Alaıda, keıinirek prokýratýranyń ókimimen qonaqúı sanıtarlyq qaýipsizdik normalaryn buzǵany úshin belgisiz merzimge jabylǵany belgili boldy jáne jaqyn arada ashylýy ekitalaı.
«Prokýratýra AMC Royal hotel qonaq úıinde tergeýdi bastady, ol «At-Taıarın» qonaqúıi retinde de belgili. Azyq-túlik, sýsyndar men kórsetiletin qyzmetterge qatysty sanıtarlyq qaýipsizdik talaptaryn saqtamaǵany úshin qonaqúıge iri kólemdegi qarjylyq aıyppuldar ǵana emes, lısenzıany qaıtaryp alyp, tolyq jabylý qaýpi tónip tur», - dep túsindirdi Týrısik palatalar federasıasy.