Boljam boıynsha, oqıǵa aýyl turǵyndary arasyndaǵy kelispeýshilikten bolǵan
Atyraý oblysynda tasjolda atys bolyp, bir adam qaza tapty, dep habarlaıdy Almaty-akshamy.kz Tengrinews.kz-ke silteme jasap.
«Aq Jaıyq» basylymynyń málimetinshe, 30 qazanda saǵat shamamen 19:30-da Atyraý-Aqtóbe tasjolynyń 331-shaqyrymynda Qyzylqoǵa aýdany Saǵyz aýylynyń mańynda aýyldastar arasynda atys bolyp, alty er adam jaraqat aldy, onyń beseýine oq tıgen.
Jergilikti basylymnyń málimetinshe, aýyldyń ár bóliginde turatyn er adamdar arasynda janjal shyqqan.
«Zardap shekkender Saǵyz aýyldyq dárigerlik ambýlatorıasyna jetkizildi. Oqıǵa ornynda jedel-tergeý toby jumys istep jatyr. Qylmystyq kodekstiń 24-99-baby boıynsha sotaldy tergeý bastaldy», – dep habarlady Atyraý oblysy polısıa departamentiniń baspasóz qyzmeti ókili.
Sondaı-aq, polıseıler bes adam oq-dáriden jaralanǵanyn, bir adamnyń qoly synǵanyn habarlady. 1985 jylǵy er adam Saǵyz aýylyndaǵy ambýlatorıalyq aýrýhanada qaıtys boldy.
«Boljam boıynsha, oqıǵa aýyl turǵyndary arasyndaǵy kelispeýshilikten bolǵan», – dedi vedomstvodaǵylar.
QR Qylmystyq kodeksiniń 99-baby 2-bóligi («Adam óltirý») boıynsha sotqa deıingi tergeý júrip jatyr.