Jalpy somasy 1,4 trln teńgege 90 jobany iske qosý josparlanýda
Bir aıdyń ishinde ár oblys ımportty almastyratyn taýarlardyń josparyn usynýy tıis, dep habarlady Almaty-akshamy.kz Premer-mınıstrdiń baspasóz qyzmetine silteme jasap.
Olar jaqyn arada ımporttyq taýarlardy otandyq taýarlarmen almastyrǵysy keledi. Ázirge barlyq óńirler shetelden keletin qandaı taýarlardy otandyq taýarlarmen almastyra alatynyn jáne bul úshin resýrstar jetkiliktiligi josparyn usynýy kerek.
Keshe eldegi áleýmettik-ekonomıkalyq jaǵdaıdy turaqtandyrýǵa arnalǵan jıynda ımport almastyrýdy damytý máseleleri talqylandy. Úkimet qazirdiń ózinde belgili bir josparlardy atady.
«Qazirgi ýaqytta taldaý negizinde ımportty almastyrý baǵdarlamasynyń jobasy ázirlendi, onyń negizgi maqsaty ımportty azaıtý, eksporttyq artyqshylyqtardy jáne otandyq óndiristiń básekege qabilettiligin arttyrý bolyp tabylady. Oblystardyń, Almaty, Nur-Sultan jáne Shymkent qalalarynyń ákimdikterimen júrgizilgen jumystyń qorytyndysy boıynsha óńdeýshi ónerkásip salalarynda ınvestısıalyq jobalar pýly qalyptasty. Tizimge jalpy somasy 13,3 trln teńgeni quraıtyn, 88 myń jańa turaqty jumys ornyn qurý áleýeti bar ımportty almastyratyn 444 joba engizilgen», – dep málim etti Premer-mınıstrdiń baspasóz qyzmeti.
Bıyldyń ózinde Qazaqstan óńirleri boıynsha ındýstrıalandyrý kartasyna sáıkes 10,8 myń jańa turaqty jumys ornyn qurýmen jalpy somasy 1,4 trln teńgege 90 jobany iske qosý josparlanýda.
«Búginde bul másele álemdegi qazirgi geosaıası jaǵdaıǵa baılanysty ózekti bolyp otyr. Sondyqtan bul baǵyttaǵy jumysty jandandyryp, ımportty almastyratyn jobalardy júzege asyrý úshin ınvestısıa tartý qajet», – dedi Premer-mınıstr Álıhan Smaıylov.
Jaqyn arada qazaqstandyqtar qandaı otandyq taýarlardy ımporttyq taýarlarmen almastyra alatynyn anyqtaıtyn bolady.