«Qazgıdromet» mamandary 2022 jylǵy qańtar aıyna aýa raıy boljamyn usyndy
Qańtar aıynyń basynda Qazaqstan aýmaǵynyń basym bóliginde joǵary qysym aımaǵynyń áseri saqtalady, osyǵan baılanysty aıazdy, bulty az aýa raıy boljanady, dep habarlaıdy Almaty-akshamy.kz QazAqparatqa silteme jasap.
Alaıda elimizdiń batys aımaqtaryna Soltústik sıklon jyrasynyń tereńdeýimen, jaýyn-shashyn, jeldiń kúsheıýi, kóktaıǵaq boljanady. Sıklon jyrasynyń shyǵys baǵytta yǵysýyna baılanysty respýblıkanyń qalǵan aýmaǵynda da aýa raıynyń sıpaty turaqsyz.
Soltústik óńirlerde burqasyn, ekpindi jel, ońtústik óńirlerde jaýyn-shashyn (qar men jańbyr túrinde), kóktaıǵaq jáne tuman bolady. Aýa temperatýrasy eldiń soltústik jartysynda túnde -17-28°S-tan -3-13°S-qa deıin, kúndiz -10-18°S-tan 0,-8°S-qa deıin, ońtústik jartysynda kúndiz +5+12°S-qa deıin, eldiń batysynda -3+2°S-qa deıin birtindep joǵarylaıdy.
Birinshi onkúndiktiń ortasynda el aýmaǵyna kezekti sýyq antısıklon áser ete bastaıdy. Respýblıkanyń basym bóliginde jaýyn-shashyn toqtaıdy jáne aýa temperatýrasy birtindep tómendeıdi. Soltústik-batysta, soltústikte, ortalyqta, al birinshi onkúndiktiń sońynda QR shyǵysynda túngi saǵattarda termometr baǵany -17-32°S-qa deıin, ońtústik jartysynda -3-13°S-qa deıin, batysynda -8-23°S-qa deıin tómendeıdi. Mundaı aýa raıy uzaqqa sozylmaıdy, óıtkeni antısıklonnyń ornyna Skandınavıa aımaqtarynan sıklon qaıtadan aýysady, onyń áserinen turaqsyz aýa raıy saqtalady jáne aıaz álsireıdi. Konsýltatıvtik aýa raıy boljamyna sáıkes 2022 jylǵy qańtardyń ekinshi jáne úshinshi onkúndiginde Qazaqstannyń basym bóliginde aýa raıy birinshi onkúndiktegi sıaqty jıi ózgeredi.
Aıazdy kúnder jyly kúndermen almasady, qar jaýady, burqasyn men ekpindi jel boljanady, QR ońtústik jartysynda negizinen jaýyn-shashyn (jańbyr, qar), kóktaıǵaq qubylystary men tuman qubylystary bolady. Iran aýdandarynan respýblıkanyń basym bóligine jyly aýa massalary keledi. Sonyń áserinen aýanyń ortasha aılyq temperatýrasy normadan 1-2° joǵary bolady. Tek eldiń soltústik-batys bóligine sıklonnyń bıik jyrasynyń jıi áser etýimen aýa temperatýrasy klımattyq norma shamasynda kútiledi. Jaýyn-shashyn mólsheri respýblıka aýmaǵynyń basym bóliginde normaǵa jýyq. Qazaqstannyń soltústik jartysynda, ońtústiktiń, ońtústik-shyǵystyń, shyǵystyń taýly jáne taý bókterindegi aımaqtarynda normadan kóp bolady dep kútilýde.
Mańǵystaý oblysynyń ońtústiginde, Qyzylorda oblysynyń ońtústik-batysynda normadan az. Sıklondyq áreket jáne antısıklonnyń jıi áserinen bir aı ishinde aýa temperatýrasynyń aýytqýy boljanady: QR soltústik jartysy men batysynda túnde -25-35°S tan -3-13°S-qa deıin, kúndiz -15-25°S tan -5+5°S-qa deıin. QR ońtústik jartysy men ońtústik-batysynda túnde -10-28°S tan -5+5°S-qa deıin, kúndiz -5-10°S tan +5+15°S-qa.