Derekti fılm «Qańtar. Memlekettik tóńkeris áreketi. Oqıǵa qalaı órbidi?» dep atalady.
İs-sharaǵa qonaq bolyp Reseı Federasıasy prezıdenti ákimshiliginiń, RF syrtqy ister mınıstrliginiń, UQSHU hatshylyǵynyń ókilderi, reseılik tanymal ǵalymdar, sarapshylar men jýrnalıser bardy, dep habarlaıdy Almaty-akshamy.kz Syrtqy ister mınıstrliginiń baspasóz qyzmetine silteme jasap.
Fılmde sol kúnderi el qalalaryndaǵy jaǵdaıdyń qalaı bolǵany, qandaı mańyzdy sheshimder qabyldanǵany, daǵdarystan qalaı shyqqany baıandalady.
Avtorlar barlyq jaılar men faktilerdi, qujattardy, fotosýretterdi, beınejazbalardy jáne kýágerlerdiń jazbalaryn zerttep, taldap kórsetken.
Kórsetilim aldynda sóz sóılegen Qazaqstannyń Reseıdegi Elshisi Dáýren Abaev Qańtardy eldegi mańyzdy ózgeristerdiń katalızatory, sondyqtan sol kúnderdiń oqıǵalaryn obektıvti jáne beıtarap túsinýdiń mańyzy zor ekenin aıtty.
"Biz fılmdi sarapshylar men jalpy jurtshylyq osy taqyrypqa qyzyǵýshylyq tanytatyn elde kórsetýdi jón sanadyq", – dep atap ótti elshi.
İs-sharaǵa qonaq bolyp Reseı Federasıasy prezıdenti ákimshiliginiń, RF syrtqy ister mınıstrliginiń, UQSHU hatshylyǵynyń ókilderi, reseılik tanymal ǵalymdar, sarapshylar men jýrnalıser bardy.
"Olardyń pikirinshe, Qazaqstannyń qandaı tuńǵıyqtyń sheginde turǵany jáne respýblıka basshylyǵynyń naqty áreketi bolmaǵanda tragedıanyń aýqymy qandaı bolatyny fılmdi kórgennen keıin belgili bolady", - delingen vedomstvo habarlamasynda.
UQSHU Birikken shtabynyń burynǵy basshysy Aleksandr Stýdenıkın Ujymdyq bitimgershilik kúshteriniń oqý-jattyǵýlary barysynda jınaqtalǵan tájirıbe uıym jumysynda oń ról atqarǵanyn atap ótti.
Ulttyq zertteý ýnıversıteti Ekonomıka joǵary mektebiniń bas sarapshysy Vácheslav Ivanov Reseıdiń oryn alǵan qaıǵyly oqıǵalardy jiti qadaǵalap otyrǵanyn jáne jaǵdaıdyń beıbit jolmen sheshilýine úmit artqanyn eske saldy. Onyń oıynsha, bereri mol fılmdi qalyń kórermenge kórsetý kerek.