Almatyda ózi túsirgish júk kóligimen 3750 reıs qar shyǵaryldy, dep habarlaıdy Almaty-akshamy.kz Komýnaldyq ınfraqurylymdy damytý basqarmasyna silteme jasap.
Almaty qalasynda 17-20 qańtar aralyǵynda 40 sm qar jaýdy. 21 qańtarda kúndizgi ýaqytta kósheler men jolaıyryqtardaǵy tonnelden 26 qar tıegish pen 66 júk kóligimen jappaı qar shyǵarý jalǵasyp jatyr. Saǵat 12:00-degi jaǵdaı boıynsha 37,5 myń m3 qar shyǵaryldy, bul 3750 reıs júk kóligimen teń.
Aıta keterligi, qar negizinen kóshede kólik jáne jol jıegine qoıylǵan mashına az kezde - túnde shyǵarylyp jatyr, bul ýaqytta 40 qar tıegish pen 80-nen astam ózi túsirgish júk kóligi jumyldyryldy. Sońǵy qar jaýǵannan basynan bastap 2371 tonna kóktaıǵaqqa qarsy materıaldar qoldanyldy.
Kúndizgi ýaqytta 487 birlik arnaıy tehnıka men 1125 jumysshy jumyldyryldy. 194 shaǵyn kólemdi tehnıkamen trotýarlar men qoǵamdyq oryndar qolmen kúrelip, tazartylyp jatyr.
Qoǵamdyq kólik aıaldamalary men jer ústi ótkelderi de qolmen tazartyldy.
Aýdan ákimdikterinde jumysty baqylaý úshin 24 saǵattyq kezekshilik uıymdastyryldy.
Qazgıdromettiń boljamynsha, búgin kúndiz azdaǵan qar jaýady. Aýa temperatýrasy -6...-8 gradýs. 22 qańtar: jaýyn-shashyn bolmaıdy. Túnde aýa temperatýrasy -14...-16, kún -3...-5 gradýs.