Memleketten ótemaqy alǵan qazaqstandyq kásipkerler tabys salyǵyn tóleýden bosatylady.
Atalǵan shara qańtar oqıǵasy kezinde shyǵynǵa ushyraǵan kásipkerlerge qoldanylady. Bul týraly Memlekettik kirister komıteti málim etti, dep habarlaıdy Almaty-akshamy.kz Qazaqtv.com saıtyna silteme jasap.
Naqtylasaq, shaǵyn jáne orta bıznes ókilderi jyldyq tabystarynan tótenshe jaǵdaı kezinde keltirilgen zalaldy óteý úshin memlekettik qazynadan alǵan qarajattaryn alyp tastaýǵa quqyly. Árıne, bul jerde sýbekt ákimdik qurǵan komısıanyń tizimine engizilgen jáne tıisti sheshimi shyǵarylǵan bolsa ǵana túzetý jasaı alady. Kásipkerler barlyq ótemaqy tólemderin salyq deklarasıasynda kórsetýge mindetti ekenin aıta ketken jón.
«Sondaı-aq, eger shaǵyn jáne orta bıznes sýbektileri komısıanyń sheshimi boıynsha TJ kezinde taýarlardyń búlinýi nemese joǵalýy saldarynan múliktik zıandy óteýge aqsha alsa, onda aqsha alýshy buryn osyndaı taýarlar boıynsha esepke jatqyzylǵan Qosymsha qun salyǵynyń somasyna túzetýdi kórsetýi tıis. Bul túzetýdi salyq tóleýshi mindetti túrde QQS deklarasıasynda kórsetýi kerek», - deıdi QR QM memlekettik kirister Komıteti Basqarma basshysynyń orynbasary Aınur Sartaeva.