Energetıka mınıstri buıryǵynyń jobasy jarıalandy.
Onda dızel otyny baǵasyn turǵylyqty jerine, tutyný kólemine jáne kólik túrine qaraı saralaý qarastyrylǵan, dep habarlaıdy Almaty-akshamy.kz.
Qujat jobasy «Ashyq NQA» portalynda jarıalandy.
Aqmola, Aqtóbe, Shyǵys Qazaqstan, Batys Qazaqstan, Qostanaı, Soltústik Qazaqstan, sondaı-aq Abaı oblystarynda dızel otyny baǵasy mynadaı mólsherde belgilengen:
Qazaqstan Respýblıkasynda berilgen jeke kýáligin kórsetken kezde, Qazaqstan Respýblıkasynyń azamattaryna 1 táýlikte 100 lıtrge deıingi kólemde - 1 lıtrge 260 teńge;
Qazaqstan Respýblıkasynda berilgen jeke kýáligin jáne júk, arnaıy, mamandandyrylǵan avtomobılder men avtobýstarǵa tehnıkalyq pasportyn kórsetken kezde, Qazaqstan Respýblıkasynyń azamattaryna 1 táýlikte 300 lıtrge deıingi kólemde - 1 lıtrge 260 teńge;
Nur-Sultan, Almaty, Shymkent qalalarynda, Almaty, Atyraý, Jambyl, Qaraǵandy, Qyzylorda, Pavlodar, Túrkistan, Mańǵystaý, sondaı-aq Jetisý, Ulytaý oblystarynda Qazaqstan Respýblıkasynda berilgen jeke kýáligin kórsetken kezde, Qazaqstan Respýblıkasynyń azamattaryna 1 táýlikte 100 lıtrge deıingi kólemde - 1 lıtrge 230 teńge;
Qazaqstan Respýblıkasynda berilgen jeke kýáligin jáne júk, arnaıy, mamandandyrylǵan avtomobılder men avtobýstarǵa tehnıkalyq pasportyn kórsetken kezde, Qazaqstan Respýblıkasynyń azamattaryna 1 táýlikte 300 lıtrge deıingi kólemde - 1 lıtrge 230 teńge;
Belgilengen kólemnen joǵary nemese satýdyń ózge de jaǵdaılary úshin - 1 lıtrge 450 teńge.
Qujatty qoǵamdyq talqylaý 2022 jyldyń 18 tamyzyna deıin jalǵasady.