Qańtar oqıǵasy kezinde 238 adam qaza tapty.
Bas prokýratýra qańtar oqıǵasy kezinde qaza bolǵandardyń otbasyna kórsetilgen materıaldyq kómek týraly baıandady, dep habarlaıdy Almaty-akshamy.kz Egemen.kz cilteme jasap.
«Búgingi kúni «Qazaqstan halqy» qoǵamdyq qory qańtar oqıǵasy kezinde qaza bolǵandardyń otbasylaryna 1,1 mlrd teńge kóleminde materıaldyq kómek kórsetti», - dep habarlady Bas prokýratýra.
Usynylǵan aqparatqa sáıkes, qańtar oqıǵasy kezinde 238 adam qaza tapty, onyń 219-y beıbit turǵyndar, 19-y quqyq qorǵaý organdarynyń qyzmetkerleri. Osy oqıǵalardyń saldarynan 16 medısına qyzmetkeri, 34 órt sóndirýshi jáne 8 qutqarýshy dene jaraqatyn aldy.
«Sotqa barlyǵy 673 qylmystyq is joldandy, olar boıynsha 1222 adam sottaldy, onyń ishinde 160 adam bas bostandyǵynan aıyryldy», - dep tolyqtyrdy Bas prokýratýra.