Mamandar bilim mekemesinde tekserý júrgizdi.
Almaty qalasynda №56 orta mektepke jarylǵysh zat qoıylǵany týraly habarlamadan keıin ǵımarattan oqýshylar men qyzmetkerler shuǵyl evakýasıalandy, dep habarlaıdy Almaty-akshamy.kz QazAqparatqa silteme jasap.
Almaty qalalyq polısıa departamentiniń málimetinshe, búgin túski saǵat 12:00 shamasynda jedel basqarý ortalyǵyna bilim ordasyna jarylǵysh zat qoıylǵany týraly habarlama túsken.
«Qalanyń jedel jáne tótenshe jaǵdaılar qyzmetteri alǵashqy den qoıý sharalary aıasynda bilim mekemesinde tekserý júrgizdi. Oqýshylar men ustazdar evakýasıalandy», - dep habarlady Almaty qalalyq polısıa departamentiniń resmı ókili Saltanat Ázirbek.
Belgili bolǵanyndaı, mektep ǵımaratyn tekserý kezinde jarylys qurylǵylary tabylǵan joq. Bilim mekemesi shtattyq rejımde jumys istep tur.
«Qazir polısıa mektepke jarylǵysh zat qoıylǵany týraly jalǵan habar taratqan adamdy anyqtap jatyr. Ol qylmystyq jaýapqa tartylady»,- dedi Saltanat Ázirbek.