Atalmysh dárini ishken 18 bala kóz jumǵan.
Ózbekstannyń Memlekettik qaýipsizdik qyzmeti 18 balanyń tumaýǵa qarsy úndi dárisinen keıin kóz jumý oqıǵasyna qatysty qylmystyq is qozǵady, dep habarlaıdy Almaty-akshamy.kz.
Ózbekstannyń dárilik zattardy saraptaý jáne standarttaý memlekettik ortalyǵynyń qorytyndysyna sáıkes, «Dok-1 Maks» shárbaty belgilengen talaptarǵa saı bolmaı shyqqan.
«Dok-1 Maks» shárbatynda kezdesetin etılenglıkol zaty naýqastyń densaýlyǵyna keri áserin tıgizedi. Qazirgi ýaqytta ımporttaýshy kompanıa «Quramax Medical» JSHQ jáne «Dárilik zattardy standarttaý ǵylymı ortalyǵy» JSHQ laýazymdy tulǵalaryna qatysty qylmystyq is qozǵaldy. Kúdiktiler ýaqytsha ustaý ızolátoryna qamaldy», - delingen Ózbekstan memlekettik qaýipsizdik qyzmeti habarlamasynda.
Eske salsaq, 27 jeltoqsanda Ózbekstan Densaýlyq saqtaý mınıstrligi «Dok-1 Maks» preparatyn qabyldaǵan 18 balanyń kóz jumǵanyn rastaıtyn tekserý nátıjesin jarıalady. Al Qazaqstan bıligi bul dáriniń elde tirkelmegenin jáne satylymda joq ekenin habarlady.