İshki ister mınıstrligi Ákimshilik polısıa komıtetiniń tóraǵasy Qaısar Sultanbaev kólikterdi zańdastyrý jumystary qalaı júrip jatqanyn aıtty, dep habarlaıdy Almaty-akshamy.kz Tengrinews.kz-ke silteme jasap.
Sultanbaev óz sózinde 2023 jyldyń 23 qańtary men 26 naýryzy aralyǵynda 69 myńnan asa kólik zańdastyrylǵanyn aıtty.
«Onyń ishinde avtokólikterdiń 67 paıyzy (46 592) Reseı Federasıasynan, 19 paıyzy (13 424) Armenıadan, 10 paıyzǵa jýyǵy (6 788) Qyrǵyzstannan, 2 paıyzǵa jýyǵy (1 296) Grýzıadan», - dedi Sultanbaev İshki ister mınıstrliginde ótken brıfıńte.
Ol qazirgi ýaqytta İshki ister mınıstrligi qosalqy bólshek retinde ákelingen kólikterdi zańdastyrýdyń sharttaryn aıqyndaıtyn Úkimet qaýlysynyń jobasyn ázirlegenin atap ótti.
«Joba qoǵamdyq talqylaýdan ótti, qazir onyń qorytyndysyn shyǵaryp jatyrmyz, sodan keıin jobany túpkilikti bekitýge memlekettik organdarǵa joldap, keıin Úkimetke jiberemiz», - dep qosty Komıtet tóraǵasy.