Jyljymaıtyn múlikti satyp almas buryn qujattarynyń bar-joǵyn tekserý qajet.
Almaty ákimdigi páter satyp alýǵa usynylmaıtyn taǵy eki turǵyn úı keshenin atady, dep habarlaıdy Almaty-akshamy.kz
Almaty qalasynyń Qala qurylysyn baqylaý departamenti ınternet-resýrstarǵa monıtorıń júrgizý barysynda qurylysqa qajetti ruqsaty joq turǵyn úı keshenderindegi páterlerdiń satylatyny týraly habarlandyrýlardy anyqtaǵan.
"Auezov Apartaments" TK - Almaly aýdany, Qarasaı batyr kóshesi, 183/19. Tapsyrys berýshi Garant LTD Service JSHS.
"2021 jylǵy 30 sáýirde tapsyrys berýshi tarapynan Garant LTD Service JSHS joǵaryda kórsetilgen mekenjaı boıynsha qoldanystaǵy ǵımarattardy qaıta jańartýǵa jáne qoldanystaǵy qurylystardy buza otyryp, qyzmet kórsetý obektileri bar ákimshilik ǵımarattyń qosymsha qurylysyn salýǵa habarlama berdi. Alaıda, jyljymaıtyn múlikti satý saıttarynda kórsetilgen mekenjaı boıynsha páterlerdiń jarnamasy ornalastyrylǵan, bul qolda bar qujattarǵa sáıkes kelmeıdi", - delingen habarlamada.
Tole bi Residence TK - Almaly aýdany, Anosov kóshesi, 103 "B". Tapsyrys berýshi Adal Sity Stroy JSHS.
Habarlamadaǵy aqparatqa sáıkes, 1-blok qurylysynyń 1-kezegi 2023 jyldyń 4-toqsanynda paıdalanýǵa beriledi.
Alaıda, búgingi kúni joǵaryda atalǵan obekt boıynsha qurylys-montaj jumystaryn júrgizýdiń bastalǵany týraly habarlama túsken joq jáne qurylys-montaj jumystary júrgizilmegen.
"Almatylyqtarǵa jyljymaıtyn múlikti satyp almas buryn salynyp jatqan turǵyn úı kesheni qujattarynyń bar-joǵyn tekserý qajet ekenin eske salamyz, muny Almaty qalasy qala qurylysyn baqylaý basqarmasynyń +7 (727) 229-81-36 jedel jelisiniń nómiri boıynsha jasaýǵa bolady",- delingen ákimdik taratqan aqparatta.