Infarkt pen ınsýlt aýrýlarynyń qaýpin azaıtý úshin qan qysymyn tómendetetin dárilerdi uıyqtar aldynda qabyldaý paıdalyraq. Bul týraly eýropalyq kardıologıa qoǵamynyń 2024 jylǵy kongresinde aıtyldy, - dep habarlaıdy Aqshamnews.kz tilshisi doctorpiter.ru-ge silteme jasap.
Ǵalymdar 47 myńǵa jýyq gıpertonıamen aýyratyn naýqasty qamtyǵan bes túrli zertteýdiń nátıjelerin qorytyndylady. Sondaı-aq bir kún buryn Londonda óz jumysyn aıaqtaǵan eýropalyq kardıologıa qoǵamy júrek-qan tamyrlary aýrýlaryna qatysty álemdegi eń iri kongreste nátıjelerimen bólisti. Olardyń zertteý nátıjelerine sáıkes, júrek talmasynan, ınsýlttan, júrek álsizdiginen qorǵaný úshin qan qysymyn túsiretin dárini keshke qabyldaýdyń tańerteń qabyldaǵannan esh artyqshylyǵy joq.
"Naýqastar qan qysymyn tómendetetin dárilerdi kúnine bir ret kez kelgen yńǵaıly ýaqytta ishe berse bolady", - dedi Kolýmbıa ýnıversıtetiniń profesory jáne jańa zertteýdiń avtory Rıkı Týrdjeonnyń sózine silteme jasap.
Infarkt pen ınsýlttiń qaýpi qaı ýaqytta?
Al Svetlana Martynovanyń aıtýynsha, ınfarkt pen ınsýlttiń qaýpi tańerteń basym bolady. Kóp jaǵdaıda ınfarkt tańǵy 6-dan 9-ǵa deıin, ınsýlt tańǵy 4-ten 6-ǵa deıin bolady. Sondyqtan qan tamyrlary aýrýynyń qaýiptiligin azaıtý úshin gıpertonıasy bar naýqastarǵa ádette keshke, uıyqtaǵanǵa deıin qan qysymyn tómendetetin dári-dármekterdi qabyldaý usynylady. Onyń sebebin júrek-qan tamyrlary aýrýlarynyń nátıjelerin kúndizgi qan qysymyna qaraǵanda, túngi qan qysymynan jaqsy boljaýǵa bolatynynda dep túsindirdi sarapshylar.
Ýaqyt emes, júıelilik mańyzdy
Profesor Týrdjonnyń sózinshe, túnde zerttelgen preparattardyń nátıjesi ártúrli bolyp shyqqan.
Zertteýshiler naqtyraq bilý úshin bes toptyń zertteý derekterin taldap, túndegi jáne tańerteńgi gıpertenzıaǵa qarsy preparattardy qabyldaýdy salystyryp shyqqan.
Zertteý nátıjelerine sáıkes, ǵalymdar dárini qabyldaý ýaqyty nátıjege áser etpeıdi degen qorytyndyǵa keldi. Sonymen qatar dárilerdi qabyldaýdyń ýaqyty qaıtalama aýrýlarǵa, sonyń ishinde synyqtarǵa da, glaýkomaǵa jáne oılaý men este saqtaýmen baılanysty buzylystarǵa da esh áseri joq ekeni aıtyldy.
Iaǵnı eń bastysy – ýaqyt emes, qabyldaýdyń júıeliligi mańyzdy ekeni belgili boldy.
"Bul nátıjelerden naýqastar ózderiniń qan qysymy dárilerin bastysy – esterine túsken kezde ishse bolǵany ekenin uǵýǵa bolady. Belgili bir ýaqyt mańyzdy emes, tańerteń nemese keshke ishý kerek degen qaǵıda joq. Eń bastysy, olar dári-dármekti kún saıyn qabyldap otyrsa bolǵany", - dep túsindirdi Brıtan júrek qorynyń bas ǵylymı jáne medısınalyq qyzmetkeri, profesor Braıan Ýıláms.