Aqyldy aıaldama
Almaty aıaldamalary qyzyqqa toly. Árqaısysy kisini baǵyttaıdy, habarlandyrady, jón silteıdi. Bir sózben aıtqanda, ózińizben "tildesedi".
Qazaq halqynyń ulttyq ónerin, naqyshyn, etnofolklorynan habardar etetin, bılbord, músinder, oıý-órnekpen, qabyrǵa salynǵan tarıhı sýretterdi kórip kózaıym bolatynbyz. Sońǵy ýaqyttary bul úrdis avtobýs kútý beketterine oıysty. Ásirese, Abaı jáne Nazarbaev dańǵyldarynda qundy dúnıelerimizdi birden baıqaımyz. Qýanamyz!
Siz marshrýttyq beketterde ózińizge qajettini tez taba alasyz. Munda sizdi páter, jumysqa ornalasý, meıram kezderinde konserttik shaqyrtýlar t.b jóninde qulaǵdar etedi. Tez ári jyldam aqparatty da kórýińiz múmkin. Sonymen qatar jolaýshylarǵa arnalǵan marshrýttyq kesteler baǵytty aıqyndaýǵa septesedi.
Sońǵy ýaqyttary Japonıa, Ońtústik Koreıa, AQSH sıaqty tehnokratıalyq elderden «smart aıaldama» uǵymy jetti. Dálirek aıtqanda, «aqyldy beket»! Endi qala jurtshylyǵy tıimdilikke jaqyndaı tústi. Ýaqyt únemdeledi. Bunda Wi-fi, qalta telefondaryn qýattaýǵa negizdelgen toq kózderi, tólem termınaldary ornatylǵan. Aıta keteıik, Almatyda «smart aıaldamalardyń» alǵashqysy Manas pen Jandosov kósheleriniń qıylysynda qoıylǵan. Buryn «aqyldy qala», «aqyldy úı» degenderdi estýshi edik. Onyń qataryna atalǵan jańashyldyq qosylyp, shahar men turǵyndar sharýasyn jeńildetýde. Shaharymyzda ilkimdi ister ilgerileı bergeı!