Óńirlik komýnıkasıalar qyzmetinde ótken baspasóz konferensıasynda Jetisý aýdanynyń ákimi Lázzat Jylqybaeva jańa emhanalardyń ashylýy men qoldanystaǵy áleýmettik qoldaý ortalyqtarynyń jumysy týraly aıtty, dep habarlaıdy aqshamnews.kz
Jyl sońyna deıin Núsipbekov kóshesinde táýligine 200 adamǵa qyzmet kórsetetin jańa emhana ashylady. Omarov kóshesindegi taǵy bir emhana táýligine 300 adamǵa qyzmet kórsetýge múmkindik beredi.
Sonymen qatar, shilde aıynda 21-shi qalalyq emhanany tolyq jóndeý jumysy aıaqtalmaq.
Aýdanda memlekettik tapsyrys boıynsha 5 áleýmettik joba júzege asyrylyp, turǵyndarǵa ártúrli qyzmet túrleri usynylady:
* «Otbasy qoldaý ortalyǵy» psıhologtyq, zańgerlik kómek kórsetip, analarǵa aspazdyqty, aǵylshyn tilin, bıznes pen basqa da daǵdylardy oqytady. Jyl basynan beri munda 360 adam tirkelip, 1 720 qyzmet kórsetildi.
* «Ten Qogam» ortalyǵy múmkindigi shekteýli jandarǵa kómek kórsetedi – mamandardyń kómeginen bastap, kýrstar men kásibı baǵdarlaý qyzmetteri usynylady. Ortalyq 130 adamǵa 304 qyzmet kórsetken.
* «Shyńǵa órleý» klýby 137 balaǵa til úıretip, matematıkany, IT –di oqytqan.
* Aınabulaq pen Kemelde belsendi uzaq ómir súrý ortalyqtary 318 qartqa 4800-den astam qyzmet kórsetip, ıoga, aıkýne, qolóner, horeografıa, kompúterlik saýattylyq, tilder boıynsha kýrstar men basqa da qyzmetter usyndy.