Almatynyń Qala kúnine oraı Mýltımedıalyq dástúrli mýzyka ortalyǵynda «Almaty – arman qala» atty konsert ótti.
Sahnaǵa Júrgenov atyndaǵy Qazaq ulttyq óner akademıasynyń stýdentteri shyǵyp, halyq ánderi men aspaptyq týyndylar oryndady, dep habarlaıdy Aqshamnews.kz.
«Qala kúnine biz árqashan erekshe baǵdarlama ázirleýge tyrysamyz. Mundaı konsertter jas talanttarǵa ózin tanytýǵa múmkindik berip, kórermendi ulttyq ónerge baýraıdy», – dedi ortalyq jetekshisi Rýza Qajenova.
Óner akademıasynyń stýdenti Gúlim Izmaǵanıeva áserin jasyrmady:
– Qala kúni – meniń eń súıikti merekelerimniń biri. Búgin halyq ánderin oryndap, kórermen aldynda óner kórsetkenime qýanyshtymyn. Bul ánder maǵan erekshe jylylyq syılaıdy.
Kórermen ár nómirdi ystyq yqylaspen qabyldady. Al uıymdastyrýshylardyń aıtýynsha, ortalyqta mundaı konsertter turaqty túrde ótkizilip, mektep oqýshylary men stýdentterdiń ulttyq mádenıetpen jaqyn tanysýyna múmkindik beredi.
