Dron-fýtbol - halyqaralyq sport túri. 5 adamnan turatyn 2 komanda machty tormen jabylǵan stadıonda oınaıdy.
Tehnologıanyń túrlenýimen keń tanymaldyqqa ıe bolyp kele jatqan chempıonatta Qazaqstan quramasy alǵash ret baq synaıdy, dep habarlaıdy Aqshamnews.kz.
Chempıonat dron-sport astanasy sanalatyn Ońtústik Koreıanyń Chondjý qalasynda 25 - 28 qyrkúıek kúnderi ótedi.
Chempıonattaǵy ár komandanyń mindeti qarsylastyń qaqpasyna (aýada ilýli turǵan saqına) múmkindiginshe kóp gol soǵý. Oıynǵa arnalǵan drondar soqtyǵysýdan qorǵaý úshin arnaıy ekzoskeletpen jabdyqtalǵan.Mach 3 raýndtan turady. Drondar soqtyǵysady, kúrt manóvr jasaıdy, qorǵanady jáne shabýyldaıdy. Al qaýipsizdik máselesi de nazardan tys qalmaıdy: dron tek arena ishinde ushady, tóreshilerdiń qadaǵalaýymen jáne erejelerdi qatań saqtaı otyryp júrgiziledi.
Qazaqstan atynan №82 «Daryn» mamandandyrylǵan lıseıi, №8 mektep-lıseıi, Skillset jeke menshik mektebiniń quramalary qatysady.
Aıta keteıik, Ońtústik Koreıada dron-fýtbol nebári birneshe jyldyń ishinde mekteptik bastamadan aýqymdy qozǵalysqa aınalǵan. Bul elde 1000-nan astam mektep jáne ýnıversıtet komandalary jasaqtalǵan, al FIDA Federasıasy 35-ten astam eldi biriktiredi. Chondjýdaǵy álem chempıonatyna ondaǵan ulttyq qurama men júzdegen sportshy tirkelgen.
Jerlesterimiz elge oralǵan soń Astanada ótetin Digital Bridge 2025 kórmesiniń qurmetti qonaǵy bolady: halyqaralyq qonaqtarǵa sheberlik sabaqtaryn ótkizip, dron-fýtboldan kórsetilimdik machtarǵa qatysady.
Uıymdastyrýshylardyń paıymdaýynsha, bul jarys 2025–2026 maýsymyn ashyp, turaqty mektepterdegi jattyǵýlar men qalalyq lıgalardyń bastamasy bolady.