Halyqaralyq áýejaıda demalys kúnderi «Almatynyń sımvoly – syılyqqa» atty aksıa ótti. Sheteldik meımandarǵa hosh ıisti Almaty aporty usynyldy. İs-sharany Qala kúnine oraı Almatynyń Týrızm basqarmasy uıymdastyrdy.
Aport – jaı ǵana jemis emes. Ol shahar tarıhynan syr shertetin, minezin aıshyqtaıtyn, talaıdyń balalyq shaǵyn eske túsiretin dám. Qalanyń ótkeni men búginin, salty men dástúrin qysqasha áńgimelep bergen sátte almanyń dámi erekshe áser qaldyrdy.
Eki kún ishinde aksıa aıasynda halyqaralyq reıstermen kelgen 5 myńnan astam jolaýshy osyndaı erekshe syı-sıapatqa ıe boldy. Bireýler úshin bul qazaq mádenıetimen alǵash tanysý bolsa, endi bireýler úshin qaıta oralýǵa sebep bolatyn jyly estelikke aınaldy.
Almatyǵa degen qyzyǵýshylyq artyp keledi: 2025 jyldyń alǵashqy jartyjyldyǵynda qalaǵa kelgen týrıser sany 6,5% ósip, 1 mıllıon 140 myńnan asty. Qalanyń ımıjin ilgeriletý, aýqymdy is-sharalardy ótkizý jáne áýe qatynasyn keńeıtý Almatyny óńirdegi eń tartymdy týrısik ortalyqtardyń birine aınaldyryp otyr.