Sońǵy ýaqytta aýrýdy qan shyǵarý tásilimen emdeıtinder kóbeıgen.
Mamandar bul tásildiń densaýlyqqa keri áseri de bolýy múmkin deıdi. Sebebi qan shyǵarýǵa múldem bolmaıtyn jaǵdaılar bolady.Sondyqtan da dárigerler bul prosedýrany qadaǵalap, zańmen retteý qajet dep otyr, dep habarlaıdy Almaty-akshamy.kz 24.kz-ke silteme jasap.
Jaqynda áleýmettik jelide taraǵan beınejazba kóptiń úreıin týǵyzdy. Onda jańa týǵan náresteniń mańdaıyn tilip, qan shyǵaryp jatqan emshiniń áreketi jeli qoldanýshylarynyń ashýyna tıip,úreıin ushyrdy. Onda nárestege hıdjama jasap jatqanyn kórýge bolady. Al kásibı medısına mamandary bul prosedýranyń medısınalyq qyzmet túrine jatpaıtynyn aıtady. Dástúrli medısınaǵa dál osy shertpe emi kirmegen. Tipti, qazir kýrs oqyp, sertıfıkat alǵandar muny kásipke aınaldyryp otyr dep dabyl qaǵýda.
Al donor retinde qan tapsyrý - ıgi is. Birinshiden, qan tapsyrýshy adamnyń densaýlyǵyna paıdaly bolsa, osy isi arqyly qan bergen adam oǵan muqtaj adamnyń ómirin saqtaýda arashashy bola alady. Hıdjama arqyly qan shyǵarý - qandy dalaǵa tógý deıdi mamandar.
«Hıdjamany biz 2 jyldan beri ǵana estip jatyrmyz. Ol qazaq tarıhynda joq. Hıdjamany qaıdan úırendiń dese aıtady bálenbaı dáriger ashqan kýrsqa bardym 10 kún úıretti mine sertıfıkat. Bul jasaǵan qan, ol sol donor qan tapsyratyn adamdardyń jumysyn atqaryp otyr, dalaǵa tógip otyr. Bir tamshy qannyń suraýy bar. İs júzinde ony da aqshanyń kózine aınaldyrdy, odan qansha adamdardyń kózi kórmeı qalady, qansha adam mınıngıt bolady, múmkin ýaqytsha davlenıe týsken bolar, nervty kesip tastasa ýaqytsha shanshý toqtaıdy. Al is júzinde qandaı zardap bolady halyq qaıdan biledi?», - deıdi medısına ǵylymynyń doktory, profesor Jasan Zekeıuly
Hıdjama dástúrli medısınaǵa jatpaıtyndyqtan bul prosedýra zańnamada joq. Sáıkesinshe, lısenzıa da berilmeıdi. Al hıjama jasaıtyndar aýrýdan 100% aıyqtyramyz dep ýáde bere almaıtynyn aıtady.
«Bolmaıdy kimde gımafılıa aýrýy, bul qannyń suıyqtyǵy, obshıı analız krovı alý kerek, dıabet bolmaý kerek, temperatýra bolmaý kerek, óıtkeni temperatýra bolǵan kezde bastan almaımyz, deneden ala beremiz temperatýra bolǵanda bastan alýǵa bolmaıdy óıtkeni ınfeksıa basqa kóterilmeıtindeı. Biraq, aıtyp qoıaıyn, barlyǵyna bere qoımaıdy , bireýine em bolyp jatady, bireýine em bolmaıdy. Sondyqtan, biz aldyn ala adamdar kelip jatqanda, biz 100% bul saǵan kómektesedi dep aıtpaımyz», - deıdi hıdjama jasaýshy Qarlyǵash Baıkenova.
Bul ǵana emes, halyq emi dep omyrtqany balǵamen uryp emdeıtinder shyqqan. Arnaıy mamandar onyń da zardaby baryn aıtady.
«Manýldyq terapıada durys dıagnoz qoıý úshin arnaıy ádister bar. Alaqanmen sıpaý sıaqty tehnıkalar bar. Qolmen soqqylaý ádisi búırek aımaǵynda óte muqıat jasalýy kerek. Sebebi, ishki aǵzaǵa zıan tıgizýi múmkin. Alaıda balǵamen urý degendi men quptamaımyn. Búginde tipti onlaın oqyp, sertıfıkatym bar dep jumys istep júrgender bar. Dáriger emes, mundaı mamandarǵa qalaı senýge bolady?» - deıdi manýaldy terapevt Iýrıı Pak.
Al nárestege hıdjama jasaǵandar zań boıynsha jaýap beredi. Densaýlyq saqtaý mınıstrligi bul jaǵdaıdy arnaıy baqylaýǵa aldy. Ári hıdjama ortalyqtarynyń da jumysy tekseriledi.