Ol Almatyda 24 adamdy urlap ketkeni úshin aıyptalǵan.
Sot Qaırat Qudaıbergendi qamaýda ustaý merzimin 2023 jyldyń 21 qyrkúıegine deıin uzartty, dep habarlaıdy Almaty-akshamy.kz
«Almaty mamandandyrylǵan aýdanaralyq tergeý sotynyń 2023 jyly 16 tamyzdaǵy aqparaty boıynsha, sot qaýlysymen tergeý organdarynyń Q-ǵa qatysty qamaýda ustaý merzimin uzartýyn sanksıalaý týraly ótinishi qanaǵattandyryldy. Iaǵnı 2023 jyldyń 21 qyrkúıegine deıin», - delingen sot habarlamasynda.
Buǵan deıin Almaty prokýratýrasynda Almaty máslıhatynyń eks-depýtaty Qaırat Qudaıbergenge qatysty istiń mán-jaıy jarıalanǵan bolatyn. Belgili bolǵandaı, qańtar oqıǵasy kezinde Qaırat Qudaıbergen Almatyda 24 adamdy urlap ketkeni úshin (keıin olardyń biri qaıtys boldy) aıyptalǵan. Arman Jumageldıevtiń janynda júrgen. Qazir ústinen is qozǵalǵan «Dıkıı Arman» qamaýda jatyr.
Al Qaırat Qudaıbergenniń ózi jappaı tártipsizdikti uıymdastyrdy jáne oǵan qatysty degen kúdikpen ótken jyldyń 22 sáýirinde ýaqytsha ustaý ızolátoryna qamalǵan bolatyn. 20 shildede Q. Qudaıbergen Almaty qalalyq máslıhatyndaǵy depýtattyq mandatynan aıyrylyp, «AMANAT» partıasynan shyǵaryldy.