Sapaly, úzdiksiz sýmen qamtamasyz etý maqsatynda kásiporynda ınjenerlik jelilerdiń ınfraqurylymyn salý jumystary jalǵasýda.
«Almaty Sý» MKK bas dırektory Abdrasılov Qaırat Aıtaıuly Memleket basshysy Qasym-Jomart Toqaevtyń 2021 jylǵy Qazaqstan halqyna arnaǵan Joldaýynan alǵan áserimen bólisti, dep habarlaıdy Almaty-akshamy.kz
Memleket basshysy Parlament palatalarynyń birlesken otyrysynda «Halyq birligi jáne júıeli reformalar – el órkendeýiniń berik negizi» atty Joldaýyn jarıalady. Onda «Óńirlerdi damytýdyń ulttyq jobasy aıasynda 5 jyl ishinde halyqtyń 100% taza aýyz sýmen qamtamasyz etýdi tapsyramyn! Bul – Úkimettiń aldynda turǵan basty mindet», – dedi Memleket basshysy.
«Almaty Sý» kásiporny - qala halqyn sýyq sý men káriz jelilerimen qamtamasyz etetin iri strategıalyq mekeme. Sapaly, úzdiksiz sýmen qamtamasyz etý maqsatynda kásiporynda ınjenerlik jelilerdiń ınfraqurylymyn salý jumystary jalǵasýda. Qazirgi tańda «Jańa Almaty» jobasyna erekshe mán berilýde. Qala ákimi shaharymyzǵa jańadan qosylyp otyrǵan shaǵynaýdandardy sýmen jáne káriz jelilerimen qamtamasyz etýdi qolǵa aldy. Bıyl 140 shaqyrym jeli júrgizildi. 2021 jyly 12 shaǵynaýdanda jumystar aıaqtalyp, 2 jylda shamamen 150 myń qala halqy ortalyqtandyrylǵan sý men káriz jelilerine qol jetkizbek.