39 jastaǵy er adam ustalyp, jeke basy anyqtaldy.
Pavlodar polısıasy qolyna pyshaq alyp, kóshe kezgen er adamdy ustady, dep habarlaıdy Almaty-akshamy.kz Rolisia.kz silteme jasap.
6 mamyrda Pavlodar qalasynyń polısıasyna Akademık Sátbaev kóshesindegi saýda úıiniń janynda er adamnyń pyshaqpen júrgeni týraly habarlama tústi.
Bul fakt Pavlodar qalasynyń Soltústik polısıa bóliminde tirkeldi.
Kórsetilgen mekenjaıǵa dereý avtopatrýlder men jedel tergeý toby jiberildi.
39 jastaǵy er adam ustalyp, jeke basy anyqtaldy. Qolyndaǵy as úı pyshaǵy tárkilendi», - delingen málimette.
Polısıa qyzmetkerleri medısınalyq kýálandyrý jasaý úshin er adamdy densaýlyq saqtaý mekemesine jetkizdi.
«Nátıjesinde er adam mas kúıinde bolǵany anyqtaldy. Polısıa er adamdy Ýaqytsha beıimdeý jáne detoksıkasıa ortalyǵyna apardy. Polısıa tekserý júrgizip jatyr», - delingen usynylǵan habarlamada.