Taldyqorǵanda eki kúnde eki balany kólik qaǵyp, mert qyldy.
Taldyqorǵanda eki kúnde eki balany kólik qaqty. Búldirshinder oqıǵa ornynda kóz jumdy, dep habarlaıdy Almaty-akshamy.kz.
Jetisý oblystyq polısıa departamenti baspasóz qyzmetiniń málimetinshe, birinshi jaǵdaı Kóktal shaǵynaýdanynda bolǵan. Kóshede oınap júrgen úsh jasar bala assınızator kóligi – Gaz-53-tiń astynda qalǵan. Júk kóliginiń rýlinde 43 jastaǵy er adam bolypty.
Ekinshi jaǵdaı Taldyqorǵan – Úshtóbe aınalma jolynda tirkeldi. Qoǵamdyq kólikten túsken 8 jasar oqýshy qyzdy joldan óte bergen kezde Gazel qaǵyp ketken.
Eki jaǵdaı boıynsha is qozǵaǵan tártip saqshylary ata-analardy óz balalaryna saq bolýyn eskertedi.
«Eki faktige qatysty qajetti saraptamalar taǵaıyndalyp, QR Qylmystyq kodeksiniń 345-baby 3-bóliginde kózdelgen sotqa deıingi tergeý amaldary júrgizilýde. Eki kólik te arnaıy avtoturaqqa ornalastyryldy», - delingen Jetisý oblystyq polısıa departamentiniń baspasóz qyzmeti bergen aqparatta.