Prokýrorlar qaýip-qater aımaǵyndaǵy 63 myń otbasyny aralady

«Baqytty jáne Qaýipsiz Balalyq Shaq» jobasy aıasynda prokýrorlar balalarǵa qatysty qaýip nemese zorlyq-zombylyq faktilerin anyqtaý úshin 63 myńnan astam otbasyna bardy, dep habarlaıdy aqshamnews.kz.
 
Jumys nátıjeleri:

• Qamqorshylarǵa, asyrap alýshylarǵa, ata-analarǵa jáne basqa da tulǵalarǵa qatysty 93 sotqa deıingi tergep-tekserý bastaldy;

• 11 myń ata-ana men zańdy ókilder bala tárbıeleý mindetterin tıisinshe oryndamaǵany úshin ákimshilik jaýapkershilikke tartyldy;

• 342 bala asa aýyr jaǵdaıǵa tap bolǵandyqtan, qolaısyz otbasylardan memleket qamqorlyǵyna alyndy.
 
Tekserýlerdiń nátıjesinde:

• 54 ata-ananyń quqyqtaryn shekteý jáne 92 ata-ana quqyǵynan tolyq aıyrý týraly talap-aryzdar berildi;

• 2 myńnan astam otbasyǵa materıaldyq kómek kórsetildi (alǵashqy kómek zattary, azyq-túlik, oqý quraldar, kómir jáne basqalary);

• 1 myńnan astam otbasyǵa turǵyn úı máselesi boıynsha qoldaý kórsetildi;

• 10 myń otbasyǵa medısınalyq jáne áleýmettik kómek usynyldy;

• Balalarǵa 4,5 mlrd teńge kóleminde alıment óndirip alyndy.