Prokýratýra aktileri boıynsha bıyl múgedektigi bar 7 myńnan astam adamnyń quqyqtary qorǵaldy

Aǵymdaǵy jyldyń 5 aıynda prokýrorlar múgedektigi bar adamdardyń quqyqtaryn qorǵaýsalasynda 89 tekserý men taldaý júrgizdi, nátıjesinde 527 zań buzýshylyqtar anyqtaldy, 68 usynys qaralyp, 4 narazylyq qanaǵattandyryldy.
Prokýratýra aktileri boıynsha múgedektigi bar 7 myńnan astam adamnyń quqyqtary qorǵaldy. Jol berilgen buzýshylyqtar úshin 284 laýazymdy tulǵa tártiptik jaýapkershilikke tartyldy, 65-i ákimshilik jaýapkershilikke tartyldy, dep habarlaıdy Almaty-akshamy.kz Bas prokýratýraǵa silteme jasap. 
Mysaly, aǵymdaǵy jyldyń basynan bastap Mańǵystaý oblysy prokýratýrasynyń bastamasymen Aqtaý qalasynyń aýmaǵynda «Kedergisiz qala» pılottyq jobasy iske qosyldy jáne aı saıyn halyqtyń az qozǵalatyn toptary úshin qoljetimdiligi qıyn ınfraqurylym obektilerin anyqtaý boıynsha kóshpeli is-sharalar ótkiziledi.
Osylaısha, jobany iske asyrý barysynda prokýrorlar Aqtaý qalasynyń aýmaǵynda múgedektigi bar adamdardy eriksiz ustap, adamdar kóp jınalatyn jerlerde qaıyr suraýǵa májbúrleıtini týraly aqparat aldy.
Mańǵystaý oblysy prokýrorynyń qaýlysy negizinde polısıa organdary birqatar is-sharalar júrgizdi, nátıjesinde adam saýdasy faktisi boıynsha sotqa deıingi tergeý bastaldy. Osy qylmystyq is aıasynda 2024 jylǵy 22 sáýirdeAqtaý qalasynyń aýmaǵynda quqyq buzýshylyq jasaýǵa qatysy bar 5 adam ustaldy.
Taǵy bir mysal, Bas prokýratýraǵa 2-shi toptaǵy múgedek áıel pátermen jasalǵan mámileniń jaramsyzdyǵy týraly sot aktilerine narazylyq bildirý týraly ótinishhatpen júgingen.
Qant dıabetimen aýyrǵan ol birneshe ret ota jasap, onyń barysynda aıaq-qoldary kesilgen.
2022 jyldyń mamyr aıynda ol erli-zaıyptylardan 9 mıllıon teńgege páter satyp aldy. Keıinnen burynǵy ıelerdiń otbasylyq kelispeýshilikteri men ózara múliktik talaptary boldy, nátıjesinde olar satyp alýshyǵa satyp alý-satý shartynyń jaramsyzdyǵy týraly talap qoıdy.
Ótinish berýshi páterdi satyp alǵan kezde úshinshi tulǵalar tarapynan múlikke talap-aryzdar bar ekenin bilmegenin, alaıda Mańǵystaý oblysynyń sottary satýshynyń talaptaryn qanaǵattandyrǵanyn atap ótti.
Nátıjesinde, otbasylyq janjaldyń kepiline aınalǵan áıel páterden de, oǵan berilgen aqshadan da aıyryldy.
Ótinish berýshiniń quqyqtyq qorǵaýdyń barlyq múmkindikteri taýsylǵanyn eskere otyryp, Bas Prokýror onyń múddesine narazylyq bildirdi, ony Joǵarǵy sot qanaǵattandyrdy. Satýshy men satyp alýshy arasynda jasalǵan páterdi satyp alý-satý shartyn jaramsyz dep tanýdan bas tartyldy.
Ózin-ózi qorǵaı almaıtyn azamattardyń quqyqtaryn qorǵaý prokýratýra organdary qyzmetiniń basym baǵyttarynyń biri bolyp tabylady.