Prezıdentke University Medical Center korporatıvtik qory qyzmetiniń nátıjesi men aldaǵy jospary týraly baıandaldy.
Memleket basshysyna mekeme negizinde alǵashqy Integrasıalanǵan akademıalyq medısınalyq ortalyq qurý arqyly UMC-di transformasıalaý barysy týraly málimet berildi. Negizgi maqsat – bilim berý, zertteý isin jáne klınıkalyq tájirıbeni toǵystyra otyryp, medısınalyq qyzmet sapasyn jaqsartý, dep habarlaıdy Almaty-akshamy.kz Aqordaǵa silteme jasap.
Iýrıı Pá Qasym-Jomart Toqaevqa zaman talabyna saı dárigerlerdi daıarlaý úshin Qordyń júzege asyryp jatqan sharalary týraly aıtty. Sondaı-aq elimizdegi medısınalyq bilim berý isin jetildirý perspektıvalary týraly kózqarasyn jetkizdi.
Kezdesý barysynda otandyq densaýlyq saqtaý júıesiniń túıtkildi máseleleri, sonyń ishinde qoldanystaǵy ınfraqurylymdy tıimdi paıdalaný jáne Qazaqstanda medısınalyq kómek kórsetý sapasyn arttyrý sharalary talqylandy.