Barsha otandastaryna rızashylyǵyn bildirdi.
QR Prezıdenti Qasym-Jomart Toqaev Alǵys aıtý kúnimen quttyqtady, dep habarlaıdy Almaty-akshamy.kz QazAqparatqa silteme jasap.
«Qurmetti, partıalastar! Eń aldymen barshańyzdy búgingi Alǵys aıtý kúnimen quttyqtaımyn. Bul - ózara tilektestikti, janashyrlyqty qamqorlyqty dáripteıtin meıram. Biz osyndaı yntymaqtyń arqasynda qańtardaǵy qıyn-qystaý kúnderde memlekettigimiz ben tutastyǵymyzdy qorǵap qaldyq. Syn saǵatta birligin saqtaı bilgen barsha otandastarymyzǵa zor rızashylyǵymdy bildiremin», - dedi Memleket basshysy Nur Otan partıasynyń kezekten tys sezinde.
QR Prezıdenti uıymdy jańǵyrtý týraly alqaly jıynnyń dál búgin ótýiniń sımvoldyq máni bar ekendigin atap ótti.
«1 naýryz - partıanyń qurylǵan kúni. 23 jyl buryn elimizdegi eń basty saıası uıymnyń negizi qalandy. Partıa halyqty ortaq maqsatqa jumyldyrdy. Qoǵamǵa paıdaly kóptegen bastama kóterip, saılaýshylardyń qoldaýyna ıe boldy», - dedi Qasym-Jomart Toqaev.