Memleket basshysynyń ókimimen Aqan Aqasuly Rahmetýllın Qazaqstan Respýblıkasynyń Syrtqy ister mınıstriniń birinshi orynbasary laýazymynan bosatyldy, dep habarlaıdy Aqshamnews.kz Aqordanyń habarlamasyna silteme jasap.
"Memleket basshysynyń ókimimen Aqan Aqasuly Rahmetýllın Qazaqstan Respýblıkasy Syrtqy ister mınıstriniń birinshi orynbasary laýazymynan bosatyldy", - delingen habarlamada.
Eske salaıyq, Aqan Rahmetýllın 2024 jyldyń mamyrynda SİM basshysynyń birinshi orynbasary bolyp taǵaıyndalǵan edi.
Prezıdenttiń basqa ókimimen Erjan Ashyqbaev Syrtqy ister mınıstriniń birinshi orynbasary bolyp taǵaıyndaldy.
Erjan Ashyqbaev 1974 jylǵy 16 maýsymda Almaty qalasynda dúnıege kelgen. Ál-Farabı atyndaǵy Qazaq ulttyq ýnıversıtetin, Kennedı atyndaǵy Memlekettik basqarý mektebin jáne Garvard ýnıversıtetin támamdaǵan. Halyqaralyq qatynastar salasynyń mamany, memlekettik basqarý magıstri.
Dıplomatıalyq qyzmetin 1998 jyly Tórtinshi departamenttiń Azıa, Taıaý Shyǵys jáne Afrıka basqarmasynyń referenti retinde bastaǵan. Syrtqy ister mınıstrliginiń Ortalyq apparatynda ártúrli laýazymdarda qyzmet atqardy, sondaı-aq Qazaqstannyń Belgıadaǵy elshiliginde issaparda boldy.
2012 jyly Premer-Mınıstr Keńsesi basshysynyń orynbasary, Úkimettiń resmı ókili qyzmetterin atqardy.