Qasym-Jomart Toqaev Qýanysh Sultanovty seksen jasqa tolǵan mereıtoıymen quttyqtap, qaıratkerdiń elimizdi damytýǵa qosqan úlesin erekshe atap ótti.
– Táýelsizdiktiń alǵashqy kúnderinen bastap el isine belsene atsalystyńyz. Memlekettigimizdiń tuǵyryn nyǵaıtý jolynda eńbek ettińiz. Mınıstr, keıin Premer-mınıstrdiń orynbasary boldyńyz. Dıplomatıalyq qyzmette elimizdiń qaýipsizdigin nyǵaıtýǵa zor úles qostyńyz. Qytaı Halyq Respýblıkasynda Tótenshe jáne ókiletti elshi boldyńyz, sondaı-aq Mońǵolıa, Vetnam jáne Soltústik Koreıa elderimen qarym-qatynasty damytý úshin tabandy jumys istedińiz. Siz elimizde parlamentarızm ınstıtýtyn damytýǵa mol úles qostyńyz. Joǵary Keńeste depýtat, Tóraǵanyń orynbasary boldyńyz. Odan keıin úsh ret Senattyń, eki ret Májilistiń depýtaty retinde zań shyǵarý isiniń bel ortasynda júrdińiz. Ózekti máselelerdi qozǵadyńyz. Qazir de qoǵamdyq jumystan qol úzgen joqsyz. Sizdiń qajyr-qaıratyńyz, memleketshil bolmysyńyz, adamgershiligińiz jastarǵa úlgi-ónege bolady dep oılaımyn, – dedi Prezıdent.
Qasym-Jomart Toqaev Qýanysh Sultanovtyń jazýshylyq qyryna toqtalyp, elimizdegi saıası jáne qoǵamdyq úderister jaıynda kóptegen eńbek jazǵanyna nazar aýdardy.
Qýanysh Sultanov eldiń ıgiligi úshin jasaǵan eńbegin elep, eń joǵary memlekettik nagradanyń biri – «Otan» ordenine laıyq kórgeni úshin Prezıdentke alǵys aıtty.
Qýanysh Sultanuly Sultanov — qazaqstandyq saıasatker, dıplomat, jýrnalıs, saıasattanýshy, profesor.
Mansabyn 1961 jyly Sultanov Saryózek aýdanaralyq baspahanasynda baspahana jumyskeri retinde bastady, 1963 jyldan ol — aýdandyq gazetterde túzetýshi, ádebı qyzmetker, bólim meńgerýshisi bolsa, 1964 jyldan Keńes Áskeriniń qatarynda qyzmette boldy.
1976 jyldan bastap Sultanov Qazaqstan LKJO OK hatshysy, birinshi hatshysy bolsa, 1981 jyldan ol Qazaqstann Kompartıasy OK Mádenıet bóliminiń meńgerýshisi bolǵan.
1983 jyldan Qýanysh Sultanov — Qazaqstan Kompartıasy OK uıymdastyrýshylyq-partıa jumystary bóliminiń meńgerýshisi boldy da, 1987 jyldan bastap ol — Qazaqstan Kompartıasy Qaraǵandy obkomynyń hatshysy. 1990 jyldan bastap Qazaqstan Kompartıasy OK ıdeologıalyq bóliminiń meńgerýshisi bolǵan.
1991 jylǵy tamyzda Qýanysh Sultanov Baspasóz jáne buqaralyq aqparat mınıstri bolyp taǵaıyndaldy. Sergeı Tereshenko úkimetiniń múshesi retinde ol 1993–1994 jyldary premer-mınıstrdiń orynbasary retinde qyzmet etti.
1993–1995 jyldary Qazaqstan halyq birligi qozǵalysynyń, keıinnen Qazaqstan halyq birligi partıasy OK tóraǵasy. 1994 jylǵy naýryzdan 1995 jylǵy naýryzǵa deıin ol — Joǵarǵy Keńestiń Taldyqorǵan oblysynyń №115 Jarkent saılaý okrýginen saılanǵan depýtaty. 1994 jyldan ol — Joǵarǵy Keńes tqraǵasynyń orynbasary. 1995 jylǵy naýryzdan ol Joǵarǵy Keńestiń depýtattary men qyzmetkerlerin qyzmetke ornalastyrý jónindegi komısıasynyń quramynda bolǵan. 1995 jylǵy maýsymnan ol — Qazaqstannyń Qytaı, Mońǵolıa, Vetnam jáne Soltústik Koreıadaǵy Tótenshe jáne ókiletti elshisi.
2001 jyly Sultanov keıin dıplomatıalyq mansabyn toqtata turyp, 2011 jylǵa deıin Qazaqstan Parlamenti Senatynyń II, III, IV saılanymdarynyń depýtaty bolyp saılandy.
2012–2021 jyldary ol Qazaqstan Parlamenti Májilisi V jáne VI saılanymdarynyń depýtaty bolyp saılandy.