Memleket basshysy shynjyr tabandy jáne dóńgelekti brondy mashınalar shyǵaratyn, sondaı-aq olarǵa tehnıkalyq qyzmet kórsetetin Besqaru zaýytyna bardy, - dep habarlaıdy aqshamnews.kz tilshisi.
Qasym-Jomart Toqaev sehtardaǵy qurastyrý jumystaryn aralap kórip, qorǵanys ónerkásibi keshenine qarasty kásiporynnyń tehnologıalyq prosesterimen jáne óndiristik múmkindikterimen tanysty.
Kompanıa jylyna 200 brondy tehnıka qurastyrady. Olardyń qatarynda sýdy keship óte alatyn, dóńgelekti Taimas8x8, Aibar 4x4 brondy mashınalary, sondaı-aq Tulpar shynjyr tabandy tehnıkasy bar.
Besqaru kompanıasy óz ónimin Qorǵanys mınıstrligi men basqa da kúshtik qurylymdarǵa arnap shyǵarady.
Óndiris alańy bıyl aqpan aıynda iske qosyldy. Jalpy quny 13,5 mıllıard teńge bolatyn joba aıasynda 134 jumys orny ashyldy.Memleket basshysy zaýyt qyzmetkerlerimen áńgimelesip, olardyń eńbegi ónimdi bolýyna tilektestik bildirdi.