Bauyrjan Momyshūly – qazaq halqynyń jauyngerlík ruhyn, batyrlyq bolmysyn jáne parasatty oılau mádenıetín álemge tanytqan bíregeı tūlǵa. Aqshamnews.kz tílshísí batyrdyń ómíríne qatysty kópshílík bíle bermeıtín jáne qyzyqty derekter toptamasy ūsynady.
1. Bauyrjan Momyshūly 1910 jylǵy 24 jeltoqsanda Jambyl oblysy Jualy audanyndaǵy Myńbūlaq auylynda dúnıege kelgen.
2. Shyqqan tegí – Dulat taıpasynyń Shymyr ruy.
3. Anasy Rázıya erte qaıtys bolyp, ol úsh jasynan bastap ájesí Qyztumastyń qolynda tárbıelengen.
4. Balalyq shaǵynda "Shańtımes" degen laqap aty bolǵan.
5. 1921 jyly Asa ınternatyndaǵy bastauysh mektepke oquǵa túsken.
6. 1924 jyldan bastap Shymkenttegí óńírde alǵash ashylǵan jetíjyldyq mektepte bílím alǵan.
7. 1928 jyly mekteptí úzdík bítíríp, Orynbor qalasyndaǵy Qazaq pedagogıkalyq ınstıtutyna oquǵa túsken.
8. 1928-1930 jyldary bastauysh mektepte mūǵalím bolyp jūmys ístegen.
9. Bír synypta áıgílí aqyn Ábdílda Tájíbaev jáne qoǵam qaıratkerí Qūrmanbek Saǵyndyqovpen bírge oqyǵan.
10. Bírneshe salada qyzmet atqaryp, audandyq atqaru komıtetínde jauapty hatshy, audandyq mılıtsıyada qyzmetkerí de bolǵan.
11. Qarjy salasyna da jetík bolyp, Shymkent ónerkásíp bankínde ekonomıst qyzmetín atqarǵan.
12. 1932–1934 jyldary Qyzyl Armıya qatarynda áskerı qyzmet ótkergen.
13. 1933 jyly polk mektebín ayaqtaǵan.
14. Ūly Otan soǵysyna 1941 jyldyń qyrkúıek aıynan bastap general-maıor I.V. Panfılov basqarǵan áıgílí dıvızıya qūramynda qatysqan.
15. Máskeu úshín shaıqas kezínde batalon komandırí retínde 207 ret ūrysqa qatysqan.
16. Soǵys jyldarynda dıvızıya basqarǵan ekí qazaqtyń bírí bolǵan.
17. Keńes dáuírínde Memlekettík syılyqtyń laureaty atanǵan.
18. Qyzyl Tu, Eńbek Qyzyl Tu, Halyqtar dostyǵy, Í dárejelí Otan soǵysy, ekí márte Qyzyl Jūldyz, Qūrmet belgísí ordenderímen marapattalǵan.
19. Qazaqstan táuelsízdík alǵannan keıín oǵan "Halyq qaharmany" ataǵy berílgen.
20. Qazaq jáne orys tílderínde áskerı-patrıottyq baǵyttaǵy kóptegen shyǵarmalar jazǵan.
21. "Ūshqan ūya", "Máskeu úshín shaıqas", "Jauyngerdíń tūlǵasy" sıyaqty eńbekterí bírneshe tílge audarylǵan.
22. Bauyrjan Momyshūly bírneshe ret shańyraq kótergen.
23. Alǵashqy jary Bıbíjamal Mūqanqyzynan Baqytjan esímdí ūly dúnıege kelgen.
24. Ūly Baqytjan da jazushylyqpen aınalysqan.
25. Ekínshí ret shańyraq kótergen jūbaıy - Vera Stroeva onyń ádebıetke keluíne áser etken.
26. Klavdıya Korkına esímdí áıelínen Elena atty qyzy tuǵan.
27. Ómíríníń sońyn jūbaıy - Baqytjamal Qalıbekqyzymen 13 jyl bírge ómír súrgen.
Eske salaıyq, búgín dańqty qolbasshy, batyr Bauyrjan Momyshūlynyń tuǵanyna - 115 jyl.
Batyrdyń ór mínezí men erlígí jaıly, qaısar mínezí jaıly onyń jazǵan kítaptarynan-aq bílíníp tūrady. Osy mínezíne qarap, Bauyrjandaı nar tūlǵaly, ójet mínezdí batyr bolsyn degen nıetpen batyrdyń aty qoıylǵan qazaqstandyqtar az emes.
Ūlttyq statıstıka byurosynyń málímetí boıynsha, Qazaqstanda 43482 "Bauyrjan" esímdí azamat bar. Byuro málímetínshe, odan bólek, 16820 adamnyń qūjatynda "Baurjan" dep jazylsa, 15 qazaqstandyq "Baurdjan" dep kórsetílgen.