Elordada Astana halyqaralyq forýmy ótip jatyr.
Onyń barysynda Qazaqstan Prezıdenti Qasym-Jomart Toqaev sóz sóıledi, dep habarlaıdy Almaty-akshamy.kz.
«Astana halyqaralyq forýmyna qosh keldińizder! Munda barlyq qurlyqtan dostarymyz ben áriptesterimiz, sondaı-aq úkimetterdiń, dıplomatıa, bıznes jáne ǵylymı toptardyń ókilderi jınalyp otyr», dedi Memleket basshysy.
Sondaı-aq Prezıdent asa qadirli qonaqtarymyz – Qatar Ámirine, Qyrǵyzstan Prezıdentine, Bosnıa jáne Gersegovına Prezıdıýmynyń Tóraǵasyna, Ózbekstan Premer-mınıstrine jáne forýmnyń basqa da qurmetti qatysýshylaryna shynaıy rızashylyǵyn bildirdi.
«Sizderdiń osy jıynǵa arnaıy kelýge sheshim qabyldap, forým jumysyna qatysqandaryńyz – biz úshin úlken mártebe. Jıyn barysynda jahandyq ekonomıkalyq jáne aımaqtyq yntymaqtastyq máseleleriniń qazirgi jaı-kúıi jóninde tabysty pikir almasamyz dep senemiz», dep nıetin bildirdi Q.Toqaev.