Memleket basshysy Qasym-Jomart Toqaev Astana halyqaralyq forýmynyń jalpy otyrysynda osyndaı pikir aıtty.
Prezıdent mádenıet pen qundylyqtar arnasynda artyp kele jatqan irkilister ekzıstensıaldy qaterge aınalyp kele jatqanyn aıtty, dep habarlaıdy Almaty-akshamy.kz.
«Bul qater barǵan saıyn kúrdelenip otyr. Óıtkeni dezınformasıa keńinen taralyp jatyr jáne barǵan saıyn utqyr ári qaýipti bolyp barady. Jasandy zeıinnen bastap bıotehnologıalarǵa deıingi jańa tehnologıanyń jahandyq áseri qattyraq sezile bastady. Degenmen olarǵa baǵyttalǵan jumys tek tar sheńberdegi ulttyq shekaralarda júrip jatyr. Bul faktorlar jahandyq tártipke qysym kórsetip, aınymaly máselelerge ıtermeleıdi», - dedi Qasym-Jomart Toqaev.
Memleket basshysy álem elderiniń arasynda senimsizdiktiń artqanyn aıtty.
«Bul qaýipsizdik rejımderi men ıadrolyq jappaı qyryp-joıý qarýyn taratpaý tetikteriniń aıasynda jumys istep kelgen halyqaralyq forýmdardyń qyzmetine keri áser etedi. Osylaısha, biz belgisizdikke, turaqsyzdyq pen qaqtyǵystarǵa tap kelip jatyrmyz. Bul óz kezeginde qorǵanys shyǵyndaryn, saıyp kelgende, eshteńege kepildik bermeıtin eń jańa qarý-jaraqqa jumsalatyn shyǵyndardy arttyrýǵa ıtermeleıdi. Onyń dáleli de bar. Jarty ǵasyrda alǵash ret ıadrolyq qarýdy qoldaný táýekeline tap keldik», - dedi Prezıdent.
Aıta keteıik, elordada Astana halyqaralyq forýmy ótip jatyr.
Sonymen qatar Qyrǵyzstan Prezıdenti Sadyr Japarov, Bosnıa jáne Gersegovına prezıdıýmynyń tóraǵasy Jelka Svıanovıch, Ózbekstan Premer-mınıstri Abdýlla Arıpov, IýNESKO bas dırektory Odre Azýle, Halyqaralyq valúta qorynyń basqarýshy dırektory Krıstalına Georgıeva jáne basqa da spıkerler sóz sóıleıdi dep josparlanǵan.