Memleket basshysy Qasym-Jomart Toqaev Astana halyqaralyq forýmynyń forýmynyń negizgi mısıasyn atady, dep habarlaıdy Almaty-akshamy.kz
«Astana halyqaralyq forýmy – bul dıalog alańy. Onyń negizgi mısıasy mynadaı:
Birinshi, álemdegi jaǵdaıdy ashyq talqylaý.
Ekinshi, aldymyzda turǵan negizgi syn-qaterler men daǵdarysty aıqyndaý.
Úshinshi, osy syn-qaterlerge ózara yntymaqtastyq rýhynda dıalog arqyly qarsy turý.
Tórtinshi, kópjaqty qatynastardyń ortaq mádenıetin jańartý jáne qalpyna keltirý.
Besinshi, beıbitshilikti, progres pen yntymaqty jaqtaıtyn daýystardy kúsheıtý», - dedi Memleket basshysy forýmynyń jalpy otyrysynda.
Prezıdenttiń aıtýyna qaraǵanda, bul forým ózara belsendi yntymaqtastyqqa tikeleı yqpal etedi.
«Ásirese buryn-sońdy bolmaǵan geosaıası shıelenis kezeńinde bizge mundaı qarym-qatynas óte qajet. Syn-qaterlerge tótep berý mańyzdy. Osy rette jahandyq júıe beıbitshilik pen órkendeýdi tańdaýlylar úshin emes, kópshilik úshin qamtamasyz ete otyryp jumys isteýge tıis», - dedi Qasym-Jomart Toqaev.
Aıta keteıik, elordadaǵy Astana halyqaraly forýmynyń jalpy otyrysyna Prezıdent Qasym-Jomart Toqaev qatysyp jatyr.
Sonymen qatar Qyrǵyzstan Prezıdenti Sadyr Japarov, Bosnıa jáne Gersegovına prezıdıýmynyń tóraǵasy Jelka Svıanovıch, Ózbekstan Premer-mınıstri Abdýlla Arıpov, IýNESKO bas dırektory Odre Azýle, Halyqaralyq valúta qorynyń basqarýshy dırektory Krıstalına Georgıeva jáne basqa da spıkerler sóz sóıleıdi dep josparlanǵan.