Qazaqstan jahandyq jáne óńirlik seriktesterimen dostyq qatynasty ustanýǵa bar kúsh-jigerin salady.
Bul týraly Astana halyqaralyq forýmynda Memleket basshysy Qasym-Jomart Toqaev aıtty, dep habarlaıdy Almaty-akshamy.kz.
«Bizdiń elimiz barlyq ýaqytta beıbitshilik pen halyqaralyq qaýipsizdikti nyǵaıtý jolynda bar kúshin salady. Biz ıadrolyq qarýsyzdanýdy qoldaımyz jáne ıadrolyq qarýdy taratpaý týraly kelisimdi ustanamyz. Bizdiń elimiz Sırıa daǵdarysyn sheshý úshin Astana beıbit úderisine bastamashy boldy. Elordamyz álemdik dinder kóshbasshylarynyń sıezerin ótkizetin turaqty orynǵa aınaldy. Shtab-páteri Astanada ornalasqan Azıadaǵy ózara is-qımyl jáne senim sharalary jónindegi keńes óńirlik jáne jahandyq problemalardy sheshýdiń bedeldi tetigine aınaldy», - dedi Prezıdent.
Qasym-Jomart Toqaev Qazaqstan Aýǵanstandaǵy gýmanıtarlyq daǵdarysty eńserýge belsendi qatysyp kele jatqandyǵyn basa aıtty.
«BUU qamqorlyǵymen aýǵan halqyna jan-jaqty kómek kórsetýdi odan ári arttyrý qajettigin atap ótkim keledi. Bul turǵyda Almatyda Ortalyq Azıa men Aýǵanstan úshin ornyqty damý maqsattary boıynsha BUU Óńirlik ortalyǵyn qurý mańyzdy. Qazaqstan jahandyq jáne óńirlik seriktesterimen dostyq qatynasty ustanýǵa bar kúsh-jigerin salady. Jáne de biz Ortalyq Azıadaǵy baýyrlas eldermen óńirlik yntymaqtastyqty arttyrýǵa nıettimiz», - dedi Memleket basshysy.