Memleket basshysy Qasym-Jomart Toqaev Astana halyqaralyq forýmynda soǵystar men qaqtyǵystar ıdeologıasyn toqtatý kerektigin aıtty, dep habarlaıdy Almaty-akshamy.kz.
«Adamdardyń ál-aýqatyna áser etetin problemalardyń túp-tamyryn anyqtaýymyz kerek. Shyn máninde, álem boıynsha qarapaıym adamdardyń ómiri kúrdelene tústi jáne biz muny moıyndaýymyz kerek. Ekinshiden, tek taqyryptarǵa qaraýdyń qajeti joq, biz tereńinen qarastyrýymyz tıis. Ortaq máselelerdi birge talqylap, onyń sheshimin tabýymyz kerek. Meniń kózqarasym boıynsha dıalog, pikir almasý jáne ashyqtyq basym bolǵany jón. Soǵystar men qaqtyǵystar ıdeologıasyn toqtatý kerek», - dedi Qasym-Jomart Toqaev Astana halyqaralyq forýmynda moderatordyń saýalyna jaýap bere turyp.