QR Premer-Mınıstri Álıhan Smaıylov tamaq ónerkásibi kásiporyndaryna monıtorıń júrgizýdi tapsyrdy, dep habarlaıdy Almaty-akshamy.kz QazAqparatqa silteme jasap.
«Memlekettik organdar kómir baǵasynyń ósýine jol bermeý úshin jumys istep jatyr. Osyǵan baılanysty, Básekelestikti qorǵaý agenttigi Indýstrıa mınıstrligimen birlesip, kómir baǵasyn ótken jylǵy deńgeıde saqtap qalý úshin zańǵa sáıkes is-sharalar qabyldaýy qajet», - dedi Álıhan Smaıylov búgin Úkimet otyrysynda.
Úkimet basshysy Indýstrıa mınıstrligine tolyq jumys istemeı turǵan nemese toqtap turǵan tamaq ónerkásibi kásiporyndaryna monıtorıń pen taldaý júrgizip, olardyń tolyqtaı jumys isteýi úshin is-sharalardy iske asyrý kerektigin eskertti.
«Búgin usynylǵan is-sharalardy eskere otyryp, Ulttyq ekonomıka mınıstrligine memlekettik organdarmen birlesip, osy jylǵy 1 aqpanǵa deıin Úkimetke Inflásıany baqylaý jáne tómendetý jónindegi is-sharalar keshenin engizýdi tapsyramyn», - dedi Premer-Mınıstr.