Pragada Almaty mýzeıiniń «Ýaqyt kerýeni» atty halyqaralyq kórmesi ashyldy
7 tamyzda Chehıada Praga qalasynyń mýzeıinde Almaty qalasy mýzeıiniń «Ýaqyt kerýeni» kórmesi ashyldy. Kórme Almaty qalasy ákimdiginiń qoldaýymen Qazaqstannyń Chehıadaǵy Elshiligimen birlesip uıymdastyryldy, dep habarlaıdy aqshamnews.kz
Kórmeniń ashylýy, sondaı-aq memorandýmǵa qol qoıý seriktestiktiń jarqyn kórinisi bolyp tabylady. Almaty mýzeıiniń qorynan «Ýaqyt kerýeni» kórmesi eki mádenıettiń dıalogyn jalǵastyrady, kelýshilerdi Uly dala halqynyń telegeı-teńiz tarıhy men mádenıetimen tanystyrady. Kórmede qazaq halqynyń turmysymen, dástúrlerimen, etnografıasymen jáne mýzykalyq aspaptarymen tanysýǵa bolady.
Kórme álemniń túrli elderinen kelgen mártebeli meımandar men qurmetti mádenıet qaıratkerleriniń qatysýymen ashyldy. Sondaı-aq, Malaızıa, Japonıa, Koreıa, Reseı, Túrkıa jáne 20-dan astam eldiń Elshiliginiń ókilderi qatysty. Saltanatty is-sharaǵa Almaty qalasy máslıhaty tóraǵasynyń mindetin atqarýshy Ásıa Aqanova, Almaty qalasy máslıhatynyń depýtaty Saltanat Serikova jáne Almaty qalasy mýzeıler birlestiginiń dırektory Lázzat Saǵyndyqova qatysty.
«Búgingi is-sharaǵa qatysý jáne sizderdiń barlyǵyńyzdy kórý men úshin úlken mártebe, óıtkeni biz búgin qazaq eliniń ulttyq murasymen tanysyp qana qoımaı, sonymen qatar eki úlken qala Praga men Almatynyń mýzeıleri arasyndaǵy damyp kele jatqan seriktestikke yqpal etip otyr. Eki mýzeı men el arasyndaǵy berik qarym-qatynas ornaıdy dep senemin», - dedi Praga qalasy mýzeıiniń basshysy Ivo Masek quttyqtaý sózinde.
«Kórme eki el arasyndaǵy qarym-qatynasty odan ári tereńdetýge jáne damytýǵa qyzmet etetinine senimdimin», - dedi Qazaqstannyń Chehıadaǵy elshisi Baqyt Dúısenbaev.
İs-shara aıasynda Almaty mýzeıler birlestigi Túrki áleminiń «Eń úzdik mýzeıi» atandy. Sertıfıkatty TÚRKSOI Halyqaralyq uıymynyń Bas hatshysy Sultan Raev tabystady. Ol Almaty mýzeıler birlestigi Túrksoıdyń túrki álemindegi eń úzdik mýzeı ataǵyna ıe bolǵanyn, onyń túrki álemindegi mýzeıtaný men mýzeı zertteýleri salasynda júzege asyrylyp jatqan qyzmetke qosqan zor úlesin moıyndaǵanyn atap ótti.
Hİİİ-HİV ǵǵ. boı kótergen Praga mýzeıi ornalasqan ǵımarat IýNESKO-nyń Álemdik mura tizimine engizilgen. Kórme 31 tamyzǵa deıin jalǵasady.