Tynyq muhıtyndaǵy Pasqa araly plasıkalyq qaldyqtardan zardap shegip otyr, dep habarlaıdy aqshamnews.kz.
Bul meken Chılıdiń jaǵalaýlaryna qaraǵanda mıkroplastıkpen 50 ese kóp lastanǵan. Osynyń saldarynan aralda ǵasyrlar boıy saqtalǵan eskertkishter búlinip, joıylý aldynda tur.
Kópshilikke tumsa tabıǵatymen tanymal Pasqa araly búginde ekologıalyq qaýip qursaýynda. Tynyq muhıtyndaǵy shaǵyn meken keıingi jyldary mıkroplastıkten qatty zardap shegýde. Onyń kólemi barǵan saıyn artpasa, kemimegen.
Ony basty lastaýshy – balyq aýlaý kemeleri. Ǵylymı zertteýler jaǵalaýda tabylǵan mıkroplastıktiń basqa aımaqtardan kelgenin kórsetti.
Jergilikti teńiz bıology osy jaǵdaıǵa aıryqsha nazar aýdaryp, balyq aýlaý kemeleriniń muhıtty lastaýymen kúresýge shaqyrdy.
Moıko Pakomıo, teńiz bıology: - Plasık qaldyqtar sý aǵysymen birge kelip, jaǵalaýlarǵa shógip qalady. Sodan keıin ydyrap, mıkroplastıkke aınalady. Bul zıandy bólshekterdiń basym bóligi balyq aýlaý kemelerinen teńizge tastalǵan qaldyqtar. Olar araldardyń ekojúıesine orasan zor nuqsan keltirip jatyr. Qorshaǵan ortamyzdyń tazalyǵyn saqtaý – bizdiń ortaq jaýapkershiligimiz. Árqaısymyz osy máselege nazar aýdaryp, áreket etýimiz qajet.
Pasqa aralynyń meri Pedro Edmýndstyń aıtýynsha, bul másele araldyń ekosjúıesine ǵana emes, halyqtyń turmys tirshiligine de áser etip jatyr.
Pedro Edmýnds, Pasqa aralynyń meri: - Plasık mólsheri barǵan saıyn kóbeıip, shyn máninde qorqynyshty jaǵdaı qalptasyp otyr. Ol bizdiń ómirimizge, kúndelikti tutynatyn tamaǵymyzǵa, qorshaǵan ortamyzǵa keri áser etip jatyr. Jergilikti bılik pen turǵyndar qazir plasık qaldyqtarymen belsendi kúres júrgizýde. Biraq aral meri: «Máseleni tek álem elderi birlesip áreket etse ǵana tıimdi sheshýge bolady», - deıdi.