Qazaqstannyń týy AQSH-tyń Nú-Iork qalasynda saltanatty túrde kóterildi.
Amerıkanyń eń iri megapolısi respýblıka kúnine qazaqstandyqtarǵa osyndaı tartý jasady. Qala meri Erık Adams saltanatty sharany óziniń jeke paraqshasynda jarıalady, dep habarlaıdy Almaty-akshamy.kz «Habar 24» arnasynyń saıtyna silteme jasap.
Ol Qazaq eliniń kók baıraǵyn kóterý arqyly Nú-Iorktiń qýaty men rýhyn kóteretinin aıtty.
«Bizdiń qalamyzdy jaqsy kórip, qurmetteıtin azamattardyń biri – qazaqstandyqtar. Bizdiń qalamyzdaǵy óte belsendi qaýymdastyq. Bıznes ashyp, yntymaqtastyq nyǵaıtyp jatyrsyzdar. Osyndaǵy Bas konsýlmen de kóp jyldan beri jaqsy dospyz. Sizder bilimniń qýatyn túsingen elsizder. Osynda sizderdiń Týlaryńyzdy kóterý arqyly biz Nú-Iork qalasynyń qýaty men rýhyn kóteremiz. Sizderge bizdiń qalanyń alýan túrli mádenıetin kóterýge úles qosqandaryńyz úshin rahmet!» - dedi Nú-Iork qalasynyń meri Erık Adams.