Bul týraly senat tóraǵasy Máýlen Áshimbaev aıtty, dep habarlaıdy Almaty-akshamy.kz.
«Memleket basshysynyń tapsyrmasymen apatty aýyzdyqtaý úshin arnaıy jedel shtab qurylǵany belgili. Úkimetke tótenshe jaǵdaı saldaryn joıý úshin qajetti qarajat bólý jáne baspanalarynan aıyrylǵan azamattarǵa arnap jańa turǵyn úıler salý jumysyn jedel bastaý jóninde tapsyrma berildi.Apatpen kúres jumystaryna parlament senaty da óz úlesin qosady. Qostanaı oblysynan saılanǵan senatorlar jedel shtabtyń jumysyna atsalysýda. Sondaı-aq senat depýtattary zardap shekkenderge kómek retinde bir kúndik jalaqylaryn aýdarady», - dep jazdy Máýlen Áshimbaev áleýmettik jelidegi paraqshasynda.
Sonymen qosa, tóraǵa osyndaı jaǵdaıda birligimizdi tanytyp, judyryqtaı jumylý asa mańyzdy ekenin aıtty.