Senat tóraǵasy Máýlen Áshimbaevtyń aıtýynsha, búginde ondaı áńgimelerdi bireýler ara-tura taratyp otyrady. Alaıda merziminen buryn parlament saılaýyn ótkizýge eshqandaı negiz joq.
"Qazir bizde zańnamalyq kún tártibi óte úlken, ony baıqap jatqan shyǵarsyzdar. Mańyzdy zańdar qaralyp jatyr. Sondyqtan qandaı da bir merziminen buryn saılaý bolady deýge eshqandaı negiz joq", - dedi Áshimbaev jýrnalıserge bergen suhbatynda.
Onyń aıtýynsha, osy sesıada biraz mańyzdy zań qaraldy. Sonyń ishinde Salyq kodeksi de bar. Aldaǵy sesıa da ońaı bolmaıtyn kórinedi.
Aıta keteri, sońǵy ret senat saılaýy 2023 jyly ótken bolatyn. Týra sol jyly kezekten tys májilis saılaýy da uıymdastyryldy.