Reseıdiń N.Gamaleı atyndaǵy epıdemıologıa jáne mıkrobıologıa ǵylymı-zertteý ortalyǵy jasaǵan «Spýtnık V» vaksınasynyń Ózbekstandaǵy óndirisi iske qosyldy, dep habarlaıdy almaty-akshamy.kz QazAqparatqa silteme jasap.
Ózbekstan Densaýlyq saqtaý mınıstrliginiń habarlaýynsha, «Jurabek Laboratories» JSHS shyǵarylatyn «Spýtnık V» vaksınasynyń 1 jáne 2 komponentteriniń alǵashqy 260 500 dozasy sanıtarlyq-epıdemıologıalyq qadaǵalaý men qoǵamdyq densaýlyq saqtaý qyzmetine tapsyryldy.
Bul - Ózbekstanda óndirisi jolǵa qoıylǵan ekinshi vaksına. Buǵan deıin osy kompanıa qytaı-ózbek ǵalymdary birlesip jasaǵan ZF-UZ-VAC2001 vaksınasynyń jalpy 7 mıllıon dozasyn shyǵardy, onyń 1 458 820 dozasy ekpe naýqanyna jetkizilgen.
Osylaısha, Ózbekstanda ekpe prosesinde qoldanylatyn vaksına 28 473 528 dozany quraýda.
Olardyń ishinde 460 myń doza «Spýtnık V», 986 480 myń doza AstraZeneca, 13,5 mıllıon doza - ZF-UZ-VAC2001, 3 mıllıon 60 doza Moderna, 1,2 mıllıon doza Pfizer/BioNTech vaksınasy.